முருகன் குமரன் குகனென் றுமொழிந்

துருகும் மனமே உவகை பெறுமே

கருணை பொழியும் கதிர்வே லவனை

ஒருநா ளுமறந் தொழியே னுழலேன்!

கந்தா குமரா கதிர்வே லவனே

மைந்தா முருகா மறைநா யகனே!

சிந்தா குலம்தீர்த் தேநீ யருள்வாய்

வந்தாள் எனையே வரமும் தருவாய்!

கந்தா சரணம் கதிர்வேல் சரணம்

சிந்தா மணியே தருணம் சரணம்

முருகா சரணம் முகுந்தன் மருகா

மூவா முதல்வா சரணம் சரணம்!

மூஷிக வாஹனன் தம்பீ சரணம்

வேத முதல்வா சரணம் சரணம்

விண்ணோர் வணங்கும் வேடுவ சரணம்

விருத்தனே சரணம் விருக்கனே சரணம்!

சரவண பவனே சரணம் சரணம்

ஹரவர ஸுதனே சரணம் சரணம்

சதுரா ஷண்முகா சரணம் சரணம்

வரதா வளம்தாள் சரணம் சரணம்!

சேவற் கொடியோன் சீக்கிரம் வருக

பாவம் பிணியும் போக்கிட வருக

கூவிய ழைக்கும் கூக்குரல் கேட்டு

வாவா வேலா வந்தே காக்க!

சூரனைத் துணித்த சுந்தரா வருக

வீரக் குமரா வள்ளி மணாளா

பாரில் உள்ளோர் வல்வினை போக்கிச்

சீராய் அருளே செந்தில் முருகா!

கந்தா சரணம் கடம்பா சரணம்

கார்த்திகை பாலா குருவே சரணம்

காராய்க் கலைமகள் நாவினில் நாளும்

சீராய் இருந்திடச் செய்திட வருக!

மாதவக் கண்ணன் மாயோன் மருகா

வள்ளி மணாளா வளமை தருக

வாழ்வைத் தந்திடு வறுமை நீக்கிடு

வணங்கும் எம்மோர் வழியே நின்றிடு! (வந்திடு)

குருவே போற்றி குமரா போற்றி

திருவே போற்றி செல்வா போற்றி

சிவனின் மைந்தா ஷண்முகா போற்றி

பரனே போற்றி! பார்வதி பாலா!

அறுமுகத் தரசே அண்ணலே போற்றி

அழகுக் குமரன் அடியே போற்றி

இனியன் குழகன் இணையடி போற்றின்

இனிதே வருவான்! இதமே தருவான்!!