ஒருரு வாகிய தாரகப் பிரமத்

தொருவகைத் தோற்றத் திருமர மெய்தி

ஒன்றா யொன்றி யிருவரிற் றோன்றி

மூவா தாயினை;

இருபிறப் பாளரி னொருவ னாயினை;

ஓராச் செய்கையி னிருமையின் முன்னாள்

நான்முகன் குடுமி ஒருநொடி பெயர்த்து

மூவரும் போந்து இருதாள் வேண்ட

ஒருசிறை யிட்டனை;

ஒருநொடி யதனில் இருசிறை மயிலின்

முந்நீர் உடுத்த நானிலம் அஞ்ச

நீவலம் செய்தனை;

நால்வகை மருப்பின் மும்மதத் திருசெவி

ஒருகைப் பொருப்பன் மகளை வேட்டனை;

ஒருவகை வடிவினில் இருவகைத் தாகி

மும்மதன் தனக்கு மூத்தோன் ஆயினை;

நால்வாய் முகத்தோன் ஐந்துகைக் கடவுள்

அறுகு தூடிக் கிளையோன் ஆயினை;

ஐந்தெழுத் ததனில் நான்மறை உணர்ந்த

முக்கட் சுடரினை இருவினை மருந்துக்

கொருகுரு வாயினை;

ஒருநாள் உமையிரு முலைப்பால் அருந்தி

முத்தமிழ் விரகன் நாற்கவி ராஜன்

ஐம்புலக் கிழவன் அறுமுகன் இவன்என

எழில்தரும் அழகுடன் கழுமலத் துதித்தனை;

அறுமீன் பயந்தனை; ஐந்தரு வேந்தன்

நான்மறைத் தோற்றத்து முத்தலைச் செஞ்சூட்டு

அன்றில் அங்கிரி இருபிளவாக

ஒருவேல் விடுத்தனை;

காவிரி வடகரை மேவிய குருகிரிஇருந்த

ஆறெழுத் தந்தணர் அடியிணை போற்ற

ஏரகத் திறைவன் எனஇருந் தனையே.