வெண்பா

செல்வச் சந்நிதி ஒருபா ஒருபஃது

தா பொ கார்த்திகேசு

வெண்பா2 / 2

செல்வச் சந்நிதி ஒருபா ஒருபஃது · தா பொ கார்த்திகேசு

4✓

துய்யா முருகா தொண்டைமா னாறதனில்

மெய்யாய பேர்க்கெலா மெய்யவனே — ஐயா

அடியேன் படுந்துயரம் அனமட்டும் சொன்னேன்

வடிவாருங் கந்தாநீ வா.

5✓

தினமுந் தொழுவார் தீவினைகள் தீர்க்கும்

கனவடிவேல் ஏந்தும் கடம்பா — மனமுள்ள

காவடிகள் அன்னதானக் காட்சிநிறை சந்நிதியாய்

சேவடியாய் என்வருத்தம் தீர்.

6✓

தீரா சிவன்மைந்தா செப்புசெல்வச் சந்நிதியாய்

நேராய் உனையே நினைக்கின்றேன் — சீராய்ப்

பதித்தேனே நெஞ்சினில்ல பன்னிருகை வேலா

துதித்தேன்நீ யெற்குத் துணை.