திரை மறைவில் நிற்கும் தில்லை மண்டூரான்

மண்டூர் முருகன் பேரில் கீர்த்தனைகள்

வீ.சீ. கந்தையா

திரை மறைவில் நிற்கும் தில்லை மண்டூரான்5 / 5

மண்டூர் முருகன் பேரில் கீர்த்தனைகள் · வீ.சீ. கந்தையா

இராகம்- சுருட்டி தாளம்- ஆதிகண்ணிகள்

1✓

தில்லை மண்டூரினிலே

திரையின் மறைவில் நின்று

நல்ல அருள் சுரக்கும்

நாதன் வருவானடி - என்றும்(தில்லை மண்டூர்)

2✓

தொல்லை வினை அகலச்

சூழும் பிணி விலக

நல்லோர் துணைக்குரிய

நாதன் மண்டூரானடி (தில்லை மண்டூர்)

3✓

தாள மேளங்கள் கொட்டத்

தான் மயிலூர்ந்து வந்து

ஊழின் வலி அறுக்கும்

ஒருவன் மண்டூரானடி (தில்லை மண்டூர்)

4✓

மூர்த்தியைக் கண்டாரில்லை

முத்தியைப் பெற்றோர் உண்டு

சாத்திரம் ஏதுமங்கில்லை

தத்துவம் மண்டூரில் உண்டு (தில்லை மண்டூர்)

5✓

தீர்த்தக் கரையருகே

செவ்வேல் முருகனுக்கே

நேர்த்திகள் செய்து மூழ்கி

நிறைபயன் சேர்ப்பரங்கே (தில்லை மண்டூர்)

6✓

இம்மை மறுமை ரெண்டும்

இன்பம் நிறைப்பானன்றோ

செம்மை முருகன் மண்டூர்ச்

சீரிய செல்வமன்றோ. (தில்லை மண்டூர்)