ஏனிந்தக்கேடு நெஞ்சே

கதிர்காமத் திருமுருகன் கீர்த்தனங்கள்

ஆறுமுகநாவலர்

ஏனிந்தக்கேடு நெஞ்சே2 / 6

கதிர்காமத் திருமுருகன் கீர்த்தனங்கள் · ஆறுமுகநாவலர்

பல்லவி✓

இராகம் - துசாவந்தி, தாளம் - சாபு

ஏனிந்தக்கேடு நெஞ்சே - ஐயையோ - உனக்

கேனிந்தக்கேடு நெஞ்சே

அநுபல்லவி✓

மோனந்திகழுஞ் சைவ - முனிவருறை கதிரை

முருகா - முருகா - முருகாவென் றுருகிலை (ஏனிந்த)

சரணங்கள்✓

பொய்யாமுலக வாழ்வை நீங்கி - நித்திய

பூரணானந்த வாழ்விற் றேங்கி

மெய்யா மறிவானந்த - வேதமுடிவாய் நின்ற

விமலா - விமலா - விமலா - வென்றுருகிலை (ஏனிந்த)

✓

சனன மரணத் துயர் தீரு - மது

தானாயமரு நிலை சாரும்

கனகசபை நடனக் கருணாகரன் முன்றந்த

கந்தா - கந்தா - கந்தாவென் றுருகிலை (ஏனிந்த)

✓

அங்கியிடை மெழுக தென்னக் - கசிந்

தளவிலானந்த மிகத்துன்ன

கொங்கு கமழ் கடம்பு குல்லையொடு புனைந்த

குகனே - குகனே - குகனேயென் றுருகிலை(ஏனிந்த)