சிவகுரு நாதருக்குச்

கதிர்காமத் திருமுருகன் கீர்த்தனங்கள்

ஆறுமுகநாவலர்

சிவகுரு நாதருக்குச்6 / 6

கதிர்காமத் திருமுருகன் கீர்த்தனங்கள் · ஆறுமுகநாவலர்

பல்லவி✓

இராகம் - அசாவேரி, தாளம் - ஆதி

சிவகுரு நாதருக்குச் செய மங்களம் - நல்ல

செங்கமல பாதருக்குச் செய மங்களம்

அநுபல்லவி✓

பவமறுத் தெனையாளும் பன்னிரு தோளருக்கு

தவமுனிவர்களுளந் தங்கருளாளருக்குச் (சிவ)

சரணங்கள்✓

கன்னி வள்ளிநேசர் பாவ நாசருக்கு மங்களம்

கதிர் காமவேல ரீழ தேசருக்கு மங்களம்

மன்னுமுடியார்க் கருளு மாசில் குமரேசருக்கு

துன்னிய வனந்தகோடி சூரியப் பிர காசருக்குச் (சிவ)

✓

மங்கையுமை பாலர் வடி வேலருக்கு மங்களம்

மன்னுமறை நூலரனு கூலருக்கு மங்களம்

புங்கமிகு சிவகாம போதக சுசீலருக்குச்

செங்கையில் விளங்குவளைத் தெய்வயானை லோலருக்குச்(சிவ)

✓

சங்கரன் குமாரர்குல்லைத் தாரருக்கு மங்களம்

தன்னிக ரில்லாதநல் லூரருக்கு மங்களம்

பொங்குசினத் தவுணரைப் போரில் வென்ற வீரருக்குத்

துங்கவகத் தியற்கருள் தோமிலதி தீரருக்குச் (சிவ) 6