நிருமல பரசிவசண்முகா

கதிர்காமத் திருமுருகன் கீர்த்தனங்கள்

ஆறுமுகநாவலர்

நிருமல பரசிவசண்முகா3 / 6

கதிர்காமத் திருமுருகன் கீர்த்தனங்கள் · ஆறுமுகநாவலர்

பல்லவி✓

இராகம் - சுருட்டி, தாளம் - ஆதி

நிருமல பரசிவசண்முகா - சுத்த

நித்திய - சத்திய - வித்தகனாங்குக

அநுபல்லவி✓

திருலாவு மிலங்கையின் மேவிய

சீர்திகழுங்கதிர் காமத்துறைதரு

சிற்பரா - அருள் தற்பரா - அன்பர்

சிந்தையுகந் தமருந்தனி வேலனே (நிரு)

சரணங்கள்✓

பரமனருளும் புதல்வா - பரமானந்தசிவ

பத்தர்க்கருளு முதல்வா

கருணைசேர் சச்சி தானந்த வடிவே

கணிப்பிலாச்சது மறையின் முடிவே

கந்தனே - உமை மைந்தனே - என்னைக்

காத்து மலவிருள் தீர்த்தினிதாளுவாய் (நிரு)

✓

அறிவுக்கறிவாய் நின்றவா - கிரௌஞ்சகிரியுடன்

அவுணர்கி ளையைக் கொன்றவா

குறிகுண மிறந்திலகு முருகா

கூர்ந்துளாயணி மருமன் மருகா

கோலனே - புரிநூலனே - ஒற்றைக்

கொம்பினன் பின்வரு தம்பியே யின்பருள் (நிரு)

✓

அயனைச் சிறையில் வைத்தவா - அகத்தியமுனிவனுக்

கருளோடு பதேசித்தவா

வியனு லகமரருக் கருள் தாளா

வின்னுதல் வள்ளிக்கொடி புணருந் தோளா

மெய்யனே - எமதையனே - அர

விந்தமலர்திக ரும்பொற்பாதந்தந்தருள் (நிரு) 3