வானவர் போற்றிடும் வேலனாம் — குற

வள்ளிதெய் வானைமண வாளனாம்

தானவர் தடிந்ததண் டாயுதன் — வீரத்

தடந்தோ ளிலங்கும்வே லாயுதன் வானவர்

கானச் சுவையுடன் பாடுவோம் — நாம்

கந்தன் கருணையை நாடுவோம்

ஆனனம் ஆறினைக் கொண்டவன் — அவன்

ஆடும் மயிலேறும் ஆண்டவன் வானவர்

பழத்தால் ஆண்டியாய்ப் போனவன் — அந்தப்

படிவமாய் மலையகம் வாழ்பவன்

செழிப்பான செல்வங்கள் தருபவன் — என்றும்

சிறப்பான இறையன்பை ஏற்பவன் வானவர்

தண்ணீர் மலையென்னும் தலத்தினில் — அருள்

தண்டா யுதனென்னும் பெயரினில்

வண்ணத் திருக்கோயில் கொண்டான் — தாள்

வணங்குவோம் அவனருள் உண்டாம் வானவர்