ஆன்றசீர் வெள்ளிஎனும் மாநி லத்தில்

ஒய்யாரத் தைப்பிங்கில் உயர்ந்தி லங்கும்

நெடுநாள்முன் தனவைசிய நகரத் தார்கள்

திருக்கோயில் சமைத்துவழி பட்டார் நன்றே.

பீடார்ந்த தைப்பிங்கின் சிம்பாங் சாலை

எடுத்துவந்த தண்டபாணிச் சிலையை நாட்டி

அன்றாடம் அவனருளை வேண்டி னாரால்

இனிதருளும் அவனடிகள் போற்று வோமே.

எழுந்ததொரு முனிவாலே இமயம் நீங்கித்

தண்டையணி கிண்கிணிச்ச தங்கை யோடும்

அடியார்க்கு நல்லின்பச் செல்வம் எல்லாம்

பூண்டுவந்தான் தைப்பிங்கின் தண்ட பாணி.

வீரசக்தி விழைந்தளித்த வேலைக் கொண்டான்

பக்தர்களின் மனக்குகையில் படிந்து கொண்டான்

தம்அடியார் துயர்களைய அருளைக் கொண்டான்

தமிழ்த்தெய்வம் தைப்பிங்கின் தண்ட பாணி.