நெண்டாரும் பண்ணை நிறையலோர் ஸ்டார்மேவு

தண்டா யுதபாணி தாளிணையைக் — கண்டுநிதம்

சிந்தித்து வந்தித்தால் சிந்தித்த தத்தனையும்

சந்தித்துத் தந்திடுமே தான்.

யுவராச னாக உமையாளோர் பாக

சிவராசன் தந்த திருச்சேயன் — பவநாசன்

மெய்ஞ்ஞான பண்டிதனாம் வேல்முருக னைப்பணிந்தால்

எஞ்ஞான்றும் வாழ்வருளு வான்.

கந்தனே! பன்னிருகை காவலனே! கான்குறத்தி

சிந்தை தனிலுறையும் தெய்வமே! — எந்தன்

இடரகற்றி ஏற்றமுற இன்னருளை ஈயத்

தடைஎன்ன சாற்றிடுவாய் சற்று.

ஆவினத்தைக் காக்குமொரு ஆட்டிடையர் சேயைப்போல்

தாவிமரத் தேஇருந்து சண்முகன் — பூவிலுயர்

செவ்வியோர் போற்றுகின்ற தீந்தமிழின் தேன்பருக

ஔவைகண் முன்னிருந்தான் ஆங்கு.

ஔவையரை அன்றொருநாள் ஆறுமுகன் கானகத்தில்

நவ்வக் கனியதனை நல்குமுனம் — ஒவ்வுவையோ

செவ்வையாய்ச் சுட்டதோசு டாப்பழமோ சிந்தித்து

மௌனமில் லாதே வழுத்து.

மின்னிலங்கு வேல்முருகன் வேணுமா சுட்டபழம்?

தின்னச் சுடாப்பழந்தான் தேவையா? — என்னவென

நௌவிவிழி யாள்சுட்ட நற்பழத்தா வென்றாளவ்

ஔவைகனிக் காசையால் ஆங்கு.