தையலுரை கேட்டதுமே கிள்ளைதானும்
தைரியமாச் சந்நிதி யுற நினைந்ததே
உத்தர திசையை நோக்கியே
உயரப் பறந்ததாமே கிள்ளை
நித்தமுமே தேவரெல்லாம் போற்றும்
நிகரில்லாக் கோணேச்சரம் தான் பணிந்ததே
முத்துத்திரை கொழிக்கும் நல்ல
முந்திய கேதீச்சரமும் பணிந்ததே
நற்றமிழார் நாவலர் போற்றும்
நல்லூரிற் கந்தவேளைப் பணிந்ததே கிள்ளை
மாருதப்புரவீகவல்லி சாபந் தீர்த்த
மாவிட்ட புர வேலனை வணங்கிற்றே கிள்ளை
வானோங்கி வளர்ந்துநின்ற பனந்தோப்பு
தேனோங்கும் மா பலாவின் வளத்தோப்பும்
கானோங்கிக் காட்சிதந்த செவ்விகண்டு
களித்துமே பறந்ததாமே வண்ணக்கிள்ளை.