மறவா வரம் அருள்வாய்

பெறற்கரிதான இப் பிறப்பிலுனை மறந்து

இறப்பினெப் பிறப்பிலுன் திருப்பாதங் கிடைக்குமோ —மற

உறுதுணையிறுதியில் உனையன்றி யேது

ஒருவித உதவியும் உறமுடியாது

மறுபிறவியில் மேலும் உழன்றலையாது

மறலிகைக்கெனை யகப்பட விடாதுனதடி —மற

கொடிய மிருகங்கள் நெடிதுறை பெருங்கா

குறவள்ளி தெய்வானையொடு புள்ளி மயில்மீது

கோயில் கொண்டெழு குமரவேளே நின் தாள்

கோலமுறுந் தலமகிமை கூற நலமொடு மகிமை கூற

கூர் கதிரை வேல் முருகனே

கதிரவனுதயகிரி யெழ விரை

அதிரவேக மோடிரை நதிதிரை

அருகு நறுமலர்ச் செடிகொடி நிரை

பரவு சுவை தரு பழமுதிர் சோலை

நிரவகல் நெடு வீதியில்

முருகா முருகா முருகா வெனவுன்

பலதிசைகளில் உள அடியவர் காடுமலை யூடுருவு

ஆறுகள் கடந்து அடர்சோலையிடை தோன்றுசிறு

பாதை விரைவாய் நடந்து செல்லும் போதெவரும்

ஆசையொடு கூறுதுதிப் பாடலொடு அரோகரா

ஓசை முழங்க மிருகங்க ளெங்கும் ஒதுங்க வெகு

ஆவலொடுன திரு பாதமே சதமென மேவிடு நினைவோடு

விரைந்தணைந் தரு கிரைந்து பெருமெழில்

சிறந்த மாணிக்க கங்கைத் தீர்த்தமாடி சிவ தோத்திரம் பாடி

சிவ சிவ சரவண பவ குருவேயென சிரசில்

கைகுவித் தழுது தொழுது தரை புரளப் பலமுறை

தெரிசித் தருகுற்றிடு நற்கதிபற் றிடுபொரு மற்புதமுறு கதிர்காமக்

கவினுறு வானுயர் கதிரைச் சிகரத் தொளிர்தரு கூர்வடி வேல்வேல் வேலென

விழிகணீர் சொரிதர வெகு விரைவொடு

வழிபட்டிடு மடியர்க் கருள் புரிதத்துவ உனைநித்தமும்-மற