பங்கயமும் ஏரிகளும் பாவையர்கை யும்பணியும்

தங்கவளை சூழும் தணிகையே — திங்கள்நுதல்

செந்திலகத் தன்புனிதன் செல்வன் கடற்கரைசேர்

செந்தில்அகத் தன்புனிதன் சேர்வு.

ஆலயமும் கல்சுனையும் அம்புயமும் தாழ்வரையும்

சாலவன மல்கும் தணிகையே — காலின்அலர்

கொய்துஇடஅங் குதருவான் கும்பிடவே தன்படைப்பும்

செய்திடஅங் குத்தருவான் சேர்வு.

சோலைகளும் பூந்தடமும் தோகையரும் தூயஅறச்

சாலையும்பொன் நீங்காத் தணிகையே — வேலைஎழு

நச்சுஇதாம் நம்தம் நலிபவம்தீர்த் துஆள்முருகன்

சச்சிதா னந்தன் தலம்.