திருஞான சம்பந்தர் — முதல் மூன்று திருமுறைகள் — திருமுறைகளில் முருகப்பெருமான்

திருமுறைகளில் முருகப்பெருமான்

திருஞான சம்பந்தர் — முதல் மூன்று திருமுறைகள்1 / 8

திருமுறைகளில் முருகப்பெருமான்

திருஞான சம்பந்தர் — முதல் மூன்று திருமுறைகள்

1✓

தழையவி லேறவன் தாதையோதான்

மழைபொழி சடையவன் மன்னுகாதில்

குழையது விலங்கிய கோலமார்பின்

இழையவன் இராமன் தீச்சரமே.

2✓

அருகரொடு புத்த ரவரறியாவரன் மலையான்

மருகன் வருமிடபக் கொடியுடையானிட மலரார்

கருகுகுழன் மடவார் கடிகுறிஞ்சி யதுபாடி

முருகன்னது பெருமைபகர் முதுகுன்றடை வோமே.

3✓

காயச் செவ்விக் காமற் காய்ந்து கங்கையைப்

பாயப் படர்புன் சடையிற் பதித்த பரமேட்டி

மாயச் சூரன் றறுத்த மைந்தன் றாதைதன்

மீயச்சூரே தொழுது வினையை வீட்டுமே.

4✓

உற்றுமை சேர்வது மெய்யினையே

உணர்வது நின்னருள் மெய்யினையே

கற்றவர் காய்வது காமனையே

கனல்விழி காய்வது காமனையே

அற்றம் மறைப்பதுமுன் பணியே

அமரர்கள் செய்வதுமுன் பணியே

பெற்று முகந்தது கந்தனையே

பிரம புரத்தை யுகந்தனையே.

5✓

சேயடைந்த சேய்ஞலூரிற் செல்வன் சீர்பரவித்

தோயடைந்த வண்வயல்சூழ் தோணிபுரத் தலைவன்

சாயடைந்த ஞானமல்கு சம்பந்தனின் னுரைகள்

வாயடைந்து பாடவல்லார் வானுல காள்பவரே.

6✓

ஊறினா ரோசையுள் ளொன்றினா ரொன்றிமால்

கூறினா ரமர்தருங் குமரவேள் தாதையூர்

ஆறினார் பொய்யகத் தையுணர் வெய்திமெய்

தேறினார் வழிபடுந் தென்குடித் திட்டையே.

7✓

இடமயிலன்ன சாயன் மடமங்கை தன்கை

யெதிர் நாணி பூணவரையில்

கடுமயிலம்பு கோத்து எயில்செற் றுகந்து

வமரர்க் களித்த தலைவன்

மடமயிலூர்தி தாதை யெனநின்று தொண்டர்

மனநின்ற மைந்தன் மருவும்

நடம்மயிலால நீடு குயில்கூவு சோலை

நறையூரி னம்ப னவனே.

8✓

வள்ளி முலைதோய் குமரன் தாதை வான்தோயும்

வெள்ளி மலைபோல் விடையொன் றுடையான் மேவுமூர்

தெள்ளி வருநீர் அரிசில் தென்பாற் சிறைவண்டும்

புள்ளு மலிபூம் பொய்கை சூழ்ந்த புத்தூரே.

அடுத்ததிருநாவுக்கரசர் (4,5,6ஆம் திருமுறைகள்)