அளியே திருவுரு மாமலைதான் அண்டுவையோ- யானுந்தோணேன்

எளியேன் படுதுயர மெல்லாம் இயம்புவையோ-யானுந்தோணேன்

துளியே னுமருள் புரிந்தே திரும்புவையோ-யானுந்தோணேன்

ஒளியேர் மலருள்தே• னுண்டே உறங்குவையோ-யானுந்தோணேன்

தோணாத மந்திரங்கள் சொல்லுவ தேனெளியீர்

காணாத ஊரெலாங் காணுவதேன்-கோணாமல்

மாண்பார் திருவுரு மாமலையைச் சேர்ந்தங்கே

காண்பீர் திருமுருகன் கால்.

கால்சேர்ந்தார்க் கென்றும் கனிந்தருள் வேலவனின்

வேல்சேர்ந்தால் தீரா வினையுண்டோ ஓர்கால்

திருவுரு மாமலையைச் சேர்ந்தா லதுவே

மறுபிறவி நோய்தீர் மருந்து.