விநாயகர் காப்பு

ஆய்க்குடி முருகன் பிள்ளைத்தமிழ்

ஸ்ரீமான் சிவராமலிங்கம் பிள்ளை

விநாயகர் காப்பு1 / 10

ஆய்க்குடி முருகன் பிள்ளைத்தமிழ் · ஸ்ரீமான் சிவராமலிங்கம் பிள்ளை

1வெண்பா✓

பிள்ளைக் கவியாம் பெரியபிர பந்தமதை

வெள்ளைக் கவியாய் விளம்புதற்கே—துள்ளுமத

வாரணத்தா னுன்னை வணங்குதுநல் வாக்கருளுங்

காரணத்தா லுள்ளங் கனிந்து.

2✓

பாடற் கினிமைதரும் பத்திக்கு வித்தாகும்

நாடற் கினிமைதரு நற்குநனைக்—கூடற்குப்

பங்கமிலா ஞானப் பரிசளிக்கும் பாரினிலே

சங்கரன்றன் பிள்ளைத் தமிழ்.

3அவையடக்கம்✓

பாலினீர் பிரித்துப் பருகும் புட்போல்

நூலி னுட்ப னுகரும் புலவர்கள்

மாலி னுக்கு மருகன் பிள்ளைத்தமி

ழாலின் னூலையன் பாகக் கையாள்வரே.

4✓

தேமேவு மாய்க்குடிவாழ் தேசிகன்பிள் ளைத்தமிழைப்

பாமேவு செந்தமிழாற் பாடவே—நாமேவும்

வாணியாள் வாலை மனோன்மணியா ளென்மனதில்

காணியாய் நின்றருள்வாள் காண்.

✓

காப்புச்செங் கீரையொடு கைத்தாலஞ் சப்பாணி

யார்ப்பமுத்தம் வாரானை யம்புலியே—பார்ப்பவளர்

சிற்றிற் சிறுபறைதேர் சேரும் பருவமுடன்

முற்றும்பாத் தாகவரு முன்.