தேடிக் கண்டு கொண்டேன்—நல்லூர்த்

தேவாதி தேவனத் தீன தயாளனை என்னுள்ளே(தேடி)

சோடி மயில்களுடன் தோகை மயிலில்வரும்

சுந்தர வேலனைச் செந்தமிழ்ப் பாலனை (தேடி)

முருகா! உன்னருட் சோதியில் என்றும்நான்

மூழ்கிடல் வேண்டும்-ஆர

முழுகிடல் வேண்டும்!

கருகா வினைகளெலாங் கருகிக் கருகிச்

சருகாகிட வேண்டும்—முத்திக்(கு)

எருவாகிட வேண்டும்!

குமரா வுன்னருட் சன்னிதி என்றும்நான்

குழைந்திட வேண்டும்—உன்னருளை

அளைந்திட வேண்டும்!

குமரா குமராவெனக் கூவிக் கூவியுள்ளம்

உருகிடல் வேண்டும்—உன்பாசம்

பெருகிடல் வேண்டும்!

அழகா வுன்னெழிற் கோலத்தை யள்ளியள்ளி

அருந்திடல் வேண்டும்—எஞ்ஞானம்

திருந்திடல் வேண்டும்! (தேடி)