வாரி வழங்கிடையா—எல்லோர்க்கும் (வாரி)

ஆராத இன்பத் திருவினை அன்புடன் (வாரி)

ஆவலோ டோடிவந் தையனே உன்னிழல்

அழுதழு(து) ஆனந்தக் கண்ணீர் சிந்திப்

பேயெனப் பித்தெனப் பரவச மாகியே

பிச்சை வேண்டுகின்றார் (அருட்)பிச்சை வேண்டுகின்றார் (வாரி)

கண்கண்ட தெய்வம் காத்திடும் நமையெனக்

கண்ணீர் சிந்துகின்றார் உளம் வெம்புகின்றார்

புண்கொண்ட வாழ்வு பொடிப்பொடி யாகிட

புண்ணிய னேயருள் தந்திடுவாய் (ஆட்) கொண்டிடுவாய்! (வாரி)