இந்திரன் குடைபிடித் திடவழற் கடவுள்வந்

இயமனுட னிருதிவெண் சாமரைகண் முறைமுறை

சந்திரனு முடைவாளை யேந்திநின் றிருபுறந்

தயவினொடு காளாஞ்சி யேந்தவீ சானனிது

மந்திரப் புனல்கொண்டருச்சித்து வேதன்முதல்

வானகத் தமரர்நறு மலர்பெய்ய மழகதிர்

சிந்தனை மகிழ்ந்துநவ மணியினா லொளிர்கின்ற

தென்பழனி நகரிவரு சிவகிரியின் முத்தையன்

பன்றிமலை பூம்புரை யிடும்பன்மலை யீராறு

பரவுமங் கலமெட்டு நூறாறு மேயிசை

குன்றிடத் தும்பரங் கிரிசெந்தி லாவினன்

குளிர்வனஞ் சேர்சோலை மலையிடத் தும்பரவு

வென்றிவேல் கையிற் றரித்தலா லுஞ்சேவல்

மேலான தெய்வநீ யாமென்று போற்றியுனை

தென்றல்வரை முனிபரவு மெய்ஞ்ஞான தேசிகன்

தென்பழனி நகரிவரு சிவகிரியின் முத்தையன்

சொல்லரிய பொன்னுருளை சேர்த்துவயி ரத்தினாற்

துய்யகோ மேதகப் பலகையிடை சேர்த்தியே

நல்லபுது வைடூரி யத்தினால் வேய்ந்தொளிரு

நல்குபவ ழக்கால்க ணாட்டிநீ லச்சட்ட

மல்லுலவு தலையலங் காரமுஞ் செய்துநிறை

மாமேரு கிரிபோல் விளங்கமே லானநின்

செல்வரா மெழில்விசய கோபாலர் வரவிட்ட

தென்பழனி நகரிவரு சிவகிரியின் முத்தையன்