இளங்கொடியால் சாதிக்காய் இடைஇடையே தொடுத்திட்டு,

விளங்கியதக் கோலக்காய் விரவிஅமைத் தியைந்திணைத்தே

உளங்கவரும் வனமல்லி, வெண்டாளி உடன்பிணைத்த

துளங்கியகை வேல்பிடித்த கண்ணிமிளிர் தோற்றத்தான்!

வாசநறுஞ் சந்தனந்தோய் வண்ணநிற மார்பினராய்

நாசசரம் விற்றொழிலின் நாயகராம் வேடரொடும்,

நேசமுறும் குன்றம்வாழ் கிளைஞரொடும் நிறைதேறல்,

ஆசையொடுண் டுவந்துபறை அறையக்கூத் தாடலுற்றான்.

விரல்படவே மலர்ந்த,சுனை விரிந்தமலர்க் கண்ணியொடு

நிரல்படவே புனைந்ததொடை, நெறிந்தகுழல் சடைமுடித்து,

வரம்பிடையே இடைவைத்து மருதடம்ப மலர்க்கொத்தைத்

தரம்படவே முடித்தகுல்லைப் புல்லினொடு சார்திணைந்தே!

வண்டிமிர்ந்து வந்துண்ணும் வகையினிலே தொடுத்தபெரும்

தண்தளிர்த்தார் கைத்திறனால் சமைத்தவடம் ஆர்த்த அரைக்

கண்,திகழ விசித்தசைய கண்ணொளிரக் களித்தணிந்த

ஒண்திருநீல் மஞ்ஞைநடை ஒக்குமக ளிரொடாடும்.

செயக்காழகன் செயமேனியன்

வயக்காதினன் கழல்காலினன்

நயக்கண்ணியன் குழல், கொம்புகள்

வியக்கத்தகு குறும்பல்லியம்

தகார்வாகனன் மயில்வாகனன்

புகர்நீங்குநன் மணிச்சேவலம்

அகல்தோளினில் தொடிகங்கணம்

புகழ்யாழிசை எனஇன்மொழி

பொலிகச்சைகொள் நறுந்தென்இடை

வலிகச்சைகொள் முழவின்தடக்

மெலிதோளுடை பிணைமாதரை

மலைதோறுநின் றினிதாடிடு