கூரிய தோட்டி அழுந்திய தழும்பு

சீரிய வாடாத் தெரியலும் அசைய,

வீரிய நடைகொள் கூற்றுவன் நிகர்த்த

மூரியிற் காற்று மூண்டெழல் அனைய

கிம்புரி, பதுமம், கேடகம், மகுடம்,

அம்பிறங் கினிது முற்றிய மின்னென்

செம்பொலங் கொண்டு செய்செவி குழைகள்

வம்பறு கொள்கைப் புங்கவர் மனத்தில்

ஒருமுகம திருளொழிய கதிர்தருவ - தியலே

ஒருமுகமொண் மகம்புரிஅந் தணர்க்கருள்வ - தியலே

ஒருமுகம்வன் பகையழியச் செருச்சினம - தியலே

ஒருமுகமாய் உளமுருகி அழுவர்தமக் - கியலாய்

விசும்பேகும் முனிவோர்தம் அரணோம்பும் - ஒருகை,

இசைவாகச் செயஆடைத் துடைமேல - தொருகை,

திசையாவும் சுழன்றாடும் அயில்கொண்ட - தொருகை,

பசைஞான ஒளியாம்முத் திரைகாட்டும் - ஒருகை

இகல்வீழ்கங் கணங்கொண்டு சுழல்கின்ற - தொருகை

அகல்வான மழைமல்லல் பெயவைப்ப - தொருகை,

திகழ்கின்ற முகமாறின் செயற்கேற்ப - இயலாய்

மகிழ்கின்ற முகந்தோன்ற திருச்செந்தில் - இருந்தே

உம்பர்பல் லியம்மு ழங்க ஊதுகொம் புகளி சைப்ப,

இம்பர்வெண் சங்கொ லிக்க, இடியென முரசி யம்ப,

அம்பொறி மஞ்ஞை வெற்றிக் கொடிமிசை அகவ, விண்வாய்

செம்புவி பராவச் சென்று திருச்செந்தில் அமர்ந்த செவ்வேள்!