வானோர்க்குத் துயர்தீர்த்து வாழ்வளித்த - தோர்முகம்!

நானிலத்தோர் தலைவணங்க நலமளிக்கு - மோர்முகம்,

மயல்,கோபம், அகம்பாவம் மாய்த்தருளு - மோர்முகம்,

போற்றிதிருப் பேர்மருத மலையமர்ந்த - வேலவா!

அருளன்பின் உபகாரக் கொடைகாட்டும் - ஓர்கரம்!

பொருட்செல்வம் நலம்,வாழ்வு பெறக்காட்டு - மோர்கரம்,

தெருள்எய்தி இறைஞானத் திறங்காட்டு - மோர்கரம்!

மருள்நெஞ்சம் உழலாமல் தடுத்தாளும் - ஓர்கரம்

நகையன்பு மனையின்ப மயம்நல்கும் - ஓர்கரம்

பகைநின்று நமைக்காக்கக் கைகொடுக்கும் - ஓர்கரம்

திகழ்கின்ற முகமாறின் தொழிற்கேற்ப - இசைவாய்

மகிழ்கின்ற முகந்தோன்ற மருதமலை - இருந்தே

மின்னல் போலிடை! - விண்மகள்!

கன்னல் போல்மொழி - மண்மகள்!

பைந்த மிழ்ப்பதி - கந்தனே!

போற்று வாம்சுபம் - வாழ்த்துவாம்!