செந்தில் நாயகன் வணக்கம்

திருச்செந்தூர் சுப்பிரமணிய புஜங்கம்-1

ஆதிசங்கரர்

செந்தில் நாயகன் வணக்கம்3 / 27

திருச்செந்தூர் சுப்பிரமணிய புஜங்கம்-1 · ஆதிசங்கரர்

3✓

மயிலூர்தி சதுர்வேத மறைகின்ற பொருளோன்

மனந்தன் வசங்கொள் மகானுள்ள முறைவோன்

பயிலும் மகாவாக் கிலக்கன் சிவன்சேய்

பனவர்க்கு மெய்த்தேவை நினைவின்கண் வைத்தேன்.

4✓

என்முன்னர் வந்தோர் பிறப்பென்ற வேலை

யினையேறி னாரென்று நிலமேல் விளக்கித்

துன்னுங் கடற்செந்தி லுறைகின்ற தூயோன்

துங்கப் பராசக்தி யருள்சேயை நினைவாம்.

5✓

திரைபொன்று மாபோலும் வினைபொன்று மின்றே

திருமுன்பு வம்மின்க ளெனநின்ற வன்போல்

திரைபந்தி யாய்வந்த கரைநின்ற செந்திற்

சேயோனை யிதயத்தி லேவைத் துளேனே.

6✓

இதிலேறி னோர்கலை யதிலேறி னோரே

என்பா னெனக்கந்த வரைமீது நின்றோன்

மதிபோலு மறுமா முகச்செந்தி னாதன்

மலர்போலு மடிவாழ்க யாம்வாழு மாறே.

7✓

பெருவேலை யோரத்தி லேபாவ நீக்கும்

பிரசித்தி சேர்சித்தர் வாழ்கந்த வெற்பில்

ஒருசோதி வடிவோடு குகைமேவு செந்தூர்

உயிருக்கொ ருயிர்செம்பொ னடிபற்று வோமே.