மாலை

தொண்டைமானாற்றுச் செல்வச்சந்நிதி முருகன் பாமாலை

பஞ்சாட்சரக் குருக்கள்

மாலை5 / 10

தொண்டைமானாற்றுச் செல்வச்சந்நிதி முருகன் பாமாலை · பஞ்சாட்சரக் குருக்கள்

18✓

பூமேவு நற்சந் நிதிவாழும் புங்கவனைத்

தேமேவு செங்கடம்பார் திண்புயனைத் - தூமேவு

கூர்வே லனைப்புகழக் குன்றவினை தான்சிதையுஞ்

சூர்போ மென்னெஞ்சே துதி.

19✓

உடற்பிணிபோ முள்ளத் துறுதுயர்போம் பேய்போ

மடற்பகைபோ மின்மைபோ மையன் - றடக்கொற்ற

வேலன் றிருச்சந் நிதிவாழ் விசாகன்பொற்

காலைநெஞ்சே நித்தங் கருது.

20✓

தெய்வத்தா லன்றியொன்றுஞ் சேராதென உணர்ந்தோர்

மெய்வைத்த நூலால் விளக்கவும் - பொய்வைத்த

பொன்னா தியானாடும் புந்தியைநற் சந்நிதியின்

மன்னாவுன் றாணாட மாற்று.