பாயிரம்

குமரகோயில் அருள்மிகு வேலாயுதப் பெருமாள் பிள்ளைத்தமிழ்

சா. வேலப்பன்

பாயிரம்1 / 11

குமரகோயில் அருள்மிகு வேலாயுதப் பெருமாள் பிள்ளைத்தமிழ் · சா. வேலப்பன்

1கணபதி காப்பு✓

செறிநெல் கொழிக்கும் செழுங்குமரி நாட்டின்

அறிகுமர கோயில் குகற்கே-நெறியாகப்

பிள்ளைத் தமிழ்பாடப் பொங்கருளை வேண்டினேன்

பிள்ளையார் பாதம் பணிந்து.

2அம்மையப்பர்✓

நல்லருள் சக்தியுடன் நாடுமொரு ஞானமதாய்

எல்லையறு காலமெலாம் உள்ளசிவம்—தொல்லழகன்

பிள்ளைத் தமிழ்கூறப் பேராசி ஈயுமே

கொள்ளை யருளைக் குவித்து.

3அவையடக்கம்✓

குன்றத்தில் கோலோச்சும் குமரன்றன்

குணங்காட்டும் பிள்ளைப் பாடல்

ஒன்றுக்கும் உதவாத எளியேனும்

ஒருப்பட்டே உரைக்க லானேன்

கன்றென்று கருதியதன் கடும்பிழையைக்

களைந்திட்டு கன்னல் கொண்டே

என்றென்றும் அருள்காட்ட ஏற்றுவனே

அறிவாரை இதயங் கொண்டே!