குறுக்குத்துறை குமரன் பிள்ளைத்தமிழ்
வித்துவான் தி. சு. ஆறுமுகம்
சப்பாணிப்பருவம்5 / 11
குறுக்குத்துறை குமரன் பிள்ளைத்தமிழ் · வித்துவான் தி. சு. ஆறுமுகம்
சப்பாணிப்பருவம்
36✓
சாந்தினா லேமெழுகிச் சதுராகக் கோலமிடு
தரைமீது நீய மர்ந்து
சதங்கையணி நின்னிரு தாளகல நீட்டியே
சவியாரும் முகம்நி மிர்த்தி
காந்திசேர் நின்குமுத வாயொழுகு தேறலால்
கலவையணி மார்பு நனைய
கனிவாருங் குதலைமொழிக் கேற்பவே கரத்திலணி
கடகங்கள் தாமொ லிக்கச்
சேந்தனே வாலையருட் செல்வனே கரந்தூக்கிச்
சப்பாணி கொட்டி யருளே
சேவலங் கொடிநாத சிகியாக னாநீயும்
சப்பாணி கொட்டி யருளே
சாந்திசேர் திருவதனச் சண்முகக் குமராநீ
சப்பாணி கொட்டி யருளே
சந்ததஞ் சாறுநிறை திருவுரு மாமலையாய்
சப்பாணி கொட்டி யருளே.
37✓
கொக்கறக் கோவென்று கோழியுஞ் சப்பாணி
கேற்பவே கூவி யொலிக்கக்
கோலமயில் திமிதிமியென் றேகுதித் தாட்டமிடக்
கோதிலாக் கங்கை மீதுன்
பக்கரில் தங்கியுனைப் பாங்குடன் பேணாறு
பவையரும் பண்ணி சைக்கப்
பாலனுன் துணைவீர வாகாதி யாவரும்
பார்த்துனையே பாணி கொட்ட
அக்கரம் ஐந்தானும் அம்மையுந் தலையாட்டி
அகங்களி கூர்ந்து நோக்க
ஆனைமுகன் தன்கரம் ஆட்டியுனைச் சுற்றிவந்
தாடிமகிழ்ந் தார்ப்ப ரிக்க
சக்கரப் படையானும் சதுர்முகனுந் தலையாட்டச்
சப்பாணி கொட்டி யருளே
சந்ததஞ் சாறுநிறை திருவுரு மாமலையாய்
சப்பாணி கொட்டி யருளே.
38✓
எட்டாத தூரத்தி லிளமிரவி தோன்றிட
எழுந்தோடி யலைமங் கையர்
எட்டிப்பி டித்தவனை யிழுத்தணைத் திடுவமென
எகிரிமென் மேற்கு திக்க
மட்டாருந் தாமரையின் மீதுமனங் கொண்டிரவி
மாண்புறு கரங்கள் நீட்டி
மகிழ்ந்தணைத் தன்னவளின் முகமலரச் செய்ததை
மாறாமற் பார்த்து நொந்து
கிட்டாத பொருண்மீது கொண்டதம் ஆசைதனின்
கேட்டினை நினைந்து வெட்கிக்
கிட்டியுறு பாறைமேல் மோதித்தம் ஆவிவிடுங்
கிளர்ச்சிநிறை பொருநை யோரம்
தட்டாது கார்மொழியுந் திருவுரு மாமலையாய்
சப்பாணி கொட்டி யருளே
சந்தனக் களபமுறு தடமார்பு வேலவா
சப்பாணி கொட்டி யருளே.
39✓
கரங்கொண்ட காசினைக் கண்டுமதற் கேற்பவே
காமுகர்கள் தம்மைக் கூடிக்
கலவியெனும் பொய்ப்பொருள் கடிசாக விற்றிடுங்
கணிகையரை நாடி நொந்தே
உரங்கொண்ட நல்லுடல் உள்ளபொருள் யாவுமே
ஒழிந்திடவும் உள்ளம் மாறி
உன்பாதம் நாடியே உயிர்விடமு யன்றிட
ஒளியாருன் னருள டைந்து
வரங்கொண்ட வாக்கினால் வண்டமிழிற் சந்தமும்
வரையாது பெய்த மைத்து
வண்ணமுறு கிள்ளையாய் வளரருண கிரிபாடும்
வண்புகழிற் கேற்ப நீயும்
சரங்கொண்ட மாவடருந் திருவுரு மலைநாதா
சப்பாணி கொட்டி யருளே
சந்தனக் களபமுறு தடமார்பு வேலவா
சப்பாணி கொட்டி யருளே.
40✓
கூடின்றி யெங்குமே கோலாக லத்தோடு
கொஞ்சமுங் கவலை யின்றிக்
குலைதொங்கு மாமரக் காவுள்ளே மாங்குயில்
கூவியிசை பாடி மகிழ
வீடின்றித் தாவியலை வான்கவிகள் தேன்பொழி
வருக்கைய வுயிர்த்தெ டுத்து
வாய்முட்ட இட்டுக்கு தப்பியுண் டானந்த
வாரிவீழ்ந் தாடி மகிழக்
கேடின்றி விண்டடவு கிளைமருத வங்கினிற்
குஞ்சுகளுந் தாமு மாகக்
குலவியே வாழ்கின்ற கிள்ளைகள் பயமின்றிக்
கொஞ்சியிசை பாடி மகிழச்
சூடின்றிச் சோலையடர் திருவுரு மாமலையாய்
சப்பாணி கொட்டி யருளே
சுந்தரா களபமுறு சுடர்மார்பு வேலவா
சப்பாணி கொட்டி யருளே.
41✓
கல்லெனுந் தோளுடை மள்ளரும் முன்னரே
காரெனும் மேதிகளைக்
கட்டிய டித்துழு தேமரங் கொண்டுசீ
ராக்கிய கம்பலையில்
அல்லெனும் வண்ணமு டன்பொலி வாருமு
ழத்தியர் தாம்கூடி
அணியணி யாகவே நட்டுமு டித்தபின்
அண்மையி லோர்மருதம்
மெல்லென மாருதம் மேவிய நீழலில்
மொய்த்துவி டாயொழித்து
முழவினை யாடவர் முழக்கிடப் பண்ணொலி
மிக்குறு மாறிசைக்கச்
கொல்லெனப் புள்ளொலி கூடுரு மாமலை
கொட்டுக சப்பாணி
கோதறு சண்முக நாதம கிழ்ந்துநீ
கொட்டுக சப்பாணி.
42✓
பாங்கர மைந்துள மாமரக் காவினுள்
பாய்ந்துமி ளஞ்சிறுவர்
பதுங்கியு ழைந்துபற் பைங்கனி தம்மையே
பற்றியெ டுத்தோடி
ஆங்கெவ ருந்தமைக் கண்டிடு வாரென
அண்மையு றும்பொருநை
யாற்றிடை கண்டக ருந்திடல் கள்மிசை
ஆவலு டனமர்ந்து
தாங்கரங் கொண்டுள மாங்கனி யுண்ணவத்
திட்டுகள் மேலெழும்பித்
தள்ளிட நீரினில் தட்டழிந் தேகரை
சார்ந்தவண் நோக்கிடவங்
கோங்கெரு மைகளைக் கண்டுந கைத்திடுங்
கோப்படர் மாமலை வாழ்
கோதறு சண்முக நாதம கிழ்ந்துநீ
கொட்டுக சப்பாணி.
43✓
சற்றும டக்கமி லாதகு தித்திடர்
சார்ந்திடுஞ் சல்லியர்போல்
தங்குத லாற்றடி யின்றிவெ ளிப்புறம்
சாடிய லைவதனால்
செற்றுறு மீன்வலைப் பட்டுநீர்ப் புள்ளிடஞ்
சிக்கியு யிரிழக்கும்
செங்கெளி றுங்கய லும்விரி சள்ளையு
மாதிய மீன்களுடன்
முற்றுறு புத்திய ரொக்குமி றாலயி
ரையொடு தேளியெனும்
மூழ்கிய வாறுதண் ணீரினு ளேயடி
மேவிய மீனினமும்
கொற்றமு டன்றிறை கொள்பொரு நைக்குக
கொட்டுக சப்பாணி
கோதறு சண்முக நாதம கிழ்ந்துநீ
கொட்டுக சப்பாணி.
44✓
பெற்றவன் இல்லினில் உண்டுமோ இல்லையோ
போதிய செல்வமது
புரிந்தவ ளாயினும் பேரள விற்பறித்
தேபல சீர்களுடன்
உற்றவன் இல்லினுக் கேகிடும் பெண்களை
யொப்பவு யர்பொதிகை
உச்சியி னின்றிழிந் தேயகிற் சந்தனம்
ஓங்குபெ ருந்தேக்கு
மற்றவண் கண்டிடு தந்தமு டன்மண
மிக்குறு பல்பொருளும்
மண்ணினை யும்விட வேமன மின்றியே
வாரியி ழுத்தோடிக்
கொற்றமு டன்கடல் செல்பொரு நைக்குக
கொட்டுக சப்பாணி
கோதறு சண்முக நாதம கிழ்ந்துநீ
கொட்டுக சப்பாணி.
45✓
வேதனி வர்ந்திடு வெண்பனி யோதிமம்
வீமுமுற் றோலமிட
விண்டுவின் வாகன மாங்கரு டன்வெருண்
டோடியே விண்பறக்கக்
காதனி கீழ்த்திடு காமனி வர்கிளி
கம்மென வேவிரைய
கரகமு மேகலி யோடும றைந்திடக்
காசினி சுற்றிவரும்
ஆதவ னின்பரி யேழுமி கப்பயந்
தாடிவி ரைந்தோட
அந்தக னின்பக டுங்குலைந் தோடிட
ஆர்ப்பரித் தேகூவுங்
கோதறு சேவலு யர்த்திய வேலவ
கொட்டுக சப்பாணி
குஞ்சரி கொஞ்சுகு றுக்குத்து றையிறை
கொட்டுக சப்பாணி.