வடபூ தரத்து வெள்ளருவி

மாவைப் பொன்மா மண்டபத்து

கடவுட் சோதி கலந்தொளிரக்

கையாற் றீண்டான் கருவியெடான்

படமார் நீலம் விதானித்த

பாத மலர்கள் சிவப்பித்துப்

தடவுங் குழவிக் கோலமருள்

தமிழார் மாவைத் தலம்புரிந்த

சால விரிபூம் பாளைகொடு

தழைத்துச் செழித்த தனித்தெங்கு

ஞாலம் புரந்து வானுலவும்

நன்றிக் கடப்பா டொருவாமே

பாலக் குருகி னிறக்கேய்ப்பப்

பத்தி விளங்கப் பணிமாறும்

தாலம் விளங்கும் மாவைவளர்

தமிழார் மாவைத் தலம்புரிந்த

கன்னற் றமிழு மாரியக்கற்

கதித்த சந்த மெடுத்தெறிந்து

உன்னற் கரிதாங் கலைஞருளத்

டொழுகும் பத்தித் திருப்புகழ்சொல்

துன்னற் கருமா துயர்துடைத்துச்

சும்மா விருசொல் லறவென்று

தன்னற் கருணை தனக்குருவாந்

தமிழார் மாவைத் தலம்புரிந்த

துங்கப் பழைமைத் தமிழ்ப்புலவோர்

சோதித் தமைத்த சொல்லணையிற்

சங்கத் தொட்டில் தவழ்ந்தேறித்

சாரு மிளநா கன்கீரன்

பங்கம் படராக் களவியற்காம்

பட்டுற் றுணர்த்தும் மெய்ப்பாட்டிற்

தங்கத் தமிழ்க்குப் புதுமையருள்

தமிழார் மாவைத் தலம்புரிந்த

வண்டல் மகளி ரட்டவெலாம்

வாய்க்கா லொழுகு நறுநீரில்

மண்டு காத லுறத்துவட்டி

வளர்மென் மழலை பொதியவிழ்ப்ப

கண்ட கமுகின் நறும்பாளைக்

காண்பின் கொடியிற் றொடுதொட்டில்

தண்டேன் சோலைத் தனிமாவைத்

தமிழார் மாவைத் தலம்புரிந்த

கோரப் பனியாற் புலர்வனவுங்

கூர்த்த வலகாற் சிறகுளருங்

தீரக் குளிர்ந்து கண்ணுறங்கா

செந்தா மரைப்பூம் பொதியவிழுஞ்

சாரத் தோன்று மிளவெயிலிற்

சலியாத் தாய்மை நீராட்டித்

தாரக் குளஞ்சேர் மாவைவளர்

தமிழார் மாவைத் தலம்புரிந்த

காவிற் கவினுறு மலரிற் கனியிற்

கருமா முகிலிற் கண்ணொளிர் மின்னிற்

வாவிப் பொலிவில் வனமரை மலரில்

வாழைப் புதலில் வளர்வுறு பயிரில்

கோவில் திருவல கிடுமவர் கையிற்

கோமய மெழுகிய தரையில் அதுபுரி

மாவுற் றகமகிழ் மாவைத் தலமணி

மாவைப் பெனநிகழ் மாவைத் தவமணி

தொட்டி லிழிந்து தவழ்ந்திரு தாண்மலர்

சோதி முகத்து வியர்த்துளி சூழ்ந்துள

கட்டு படித்தல மீதி னுறைத்திரு

கரவுறு மவர்சிலர் கண்ணி லெதிர்ந்தொரு

பட்டுடல் புழுதி படிந்து நலங்கிளர்

பார்வதி யம்மை பராபரன் பூசனை

மட்டுற வண்டொளிர் மாவையி லருமணி

மருவுற வடியவர் மனமகிழ் குருமணி

நித்திய பூசனை நெறியிறை தவறினு

நீணில மெய்த விழுந்து க்ஷமித்திட

நித்தமு நீர்முழு கிப்புனல் மாற்றினர்

நியமமு றத்திரு நீற்றணி புண்டர

சத்திய தரிசன சால்புறு சிந்தைகொள்

தர்ப்பையு மலரு மெடுத்தணி நின்பணி

மத்தியு முடிவொடு முதலு நிலாயவ

மருவுற வடியவர் மனமகிழ் குருமணி

விண்ணிற் றுளிக்கும் புகர்முகிலின்

விம்மிப் பொருமி யழுதுகண்ணீர்

எண்ணற் கரிதா மம்முகிலின்

இனிமைக் குதலைச் சாறொழுக்கு

பண்ணிற் பயிலும் யாழிசைதான்

பண்பார் மழலைக் குரல்கம்மிப்

மண்ணிற் கினிய மாவைநகர்

வளர்செந் தமிழ்சேர் மாவையுமை

ஞானத் திரோத மாகவளர்

நாடிக் கழற்கீ ழுறுமவரை

மோனத் தொட்டி லுறவேற்றி

முடிவில் பரமா னந்தசுக

மானக் கருணை மாமுகிலே

வகையே றியோனிக் குழவியெலாம்

வானக் கருணைப் பெருஞ்செல்வ

வளர்செந் தமிழ்சேர் மாவையுமை