கத்துந் தரங்க மெடுத்தெறியக்

கையேற் றணைக்கு மரவணைப்பிற்

நத்தும் நளிர்மா கடற்பரப்பில்

நயனில் குடகாற் றெழுந்தலைக்க

மெத்துங் கவற்சி யுறத்தாழ்ந்து

விரலாற் கிளைத்து மணலுளரு

முத்தங் கொழிக்கும் மாவைதொழும்

மும்மைத் தமிழ்சேர் மாவைவளர்

நாவார் தமிழின் சுவைநயந்து

ஞாலம் விளங்க நீமுன்னாள்

தேவா ரகநூற் பொருளமைதி

தெய்வ முனிவன் நாரதன்சொல்

காவார் வேட்டைத் துறையணைந்து

காமக் கலமுய்த் தருகுறீஇக்

மூவாக் காதல் முத்தமருள்

மும்மைத் தமிழ்சேர் மாவைவளர்

சுற்றுங் கடலார் சுரிவளையின்

சொல்லா ரிப்பி யகட்டுவிளை

மற்றிம் முத்த மானவெலாம்

மயக்கிக் கழியு மவ்வளவே

பற்றும் பற்றின் மையுங்கடந்த

பண்பார் முத்தீ தெனப்போற்றிப்

முற்றும் புகழுஞ் சரவணத்து

மும்மைத் தமிழ்சேர் மாவைவளர்

கொத்துங் குழலுஞ் சுமந்திளைத்த

குளிர்வெண் ணிலவா ரரமியத்துக்

மெத்துங் காதற் களரியினும்

மிகுமா தரவின் முதுமகளிர்

எத்தும் இணையில் இளவாய்தம்

எங்கே இன்ன மொன்றென்னு

முத்தச் செழிப்பின் மிகுமாவை

மும்மைத் தமிழ்சேர் மாவைவளர்

சித்தம் முழுதுஞ் சிவம்பெருக்குஞ்

சீரார் காலை மாலையெலாந்

தத்தம் பரிவாற் றமிழ்ப்பாடித்

சார்பே சார்பாய்ச் சலிப்பின்றித்

பத்திக் கொத்து மலர்ந்தொளிரப்

பண்பார் புளகப் பயிர்வளர்க்கும்

முத்தஞ் சொரியும் மாவைநல

மும்மைத் தமிழ்சேர் மாவைவளர்

தொன்மைத் தமிழ்ச்செங் கருவூலத்

துப்புத் துலக்கித் தூவறிஞர்

புன்னைக் கணேசர் நின்கழற்கீழ்ப்

போதம் மலர்ந்து பொற்பூறிப்

பன்னற் கருநின் படைவீட்டுப்

பண்பார் மாவைப் பதிக்கேற்றிப்

முன்னர்க் கேட்கும் நன்மாவே

மும்மைத் தமிழ்சேர் மாவைவளர்

தத்துகடல் தவழ்வுறுந் நத்தீனு முத்தினஞ்

தகுமிப்பி முத்தென்னி லௌச்சிஷ்டம் வயலுறுஞ்

மெத்துகழை முத்தமோ வன்னியம் வேழத்து

மேகமுறு முத்தமும் நீரசம தாதலின்

முத்தியருள் முத்தநின் முத்தமே யாமாறு

முருகலர் குழல்வள்ளி தெய்வயா னைச்செய்தி

சுத்தமணி மாவைவளர் தூயமணி நின்னிதழ்த்

தோகைமயில் மீதுறும் வாகைவடி வேலநின்

தொல்லுலகி லூனினுக் கூன்மாற் றெனப்புகல்

சொல்லுபுகழ் நின்வயின் முத்துக்கு முத்தமே

மல்லுதவு தோளுந்தை மாமுடி மதிப்பிள்ளை

மண்புரண் டன்றமுத மாறாத வழுகைக்கு

புல்லுமொரு மகிழ்வினிற் புளகமுற மோவாய்

புதுமலர் துளித்தெனப் பொலுபொலென் கண்முத்தம்

சொல்லரிய மகிழ்வுறுஞ் சோதியொரு நின்னிதழ்த்

தோகைமயில் மீதுறும் வாகைவடி வேலநின்

பாயவொளி மரகதப் பவளத்தி னணியுறப்

பாவையர் கழுத்தினைப் பரிகசித் தெங்குநிகழ்

தேயமுறு தெங்கிளம் பாளைமுத் தத்தினொடு

செங்காவி மலர்வுறுஞ் சிறுமுகத் தாமரைச்

ஆயமுறு சிறுமகளி ராராயந்து வெவ்வே

ரணிமுறுவல் நிரையினொடு மாறாட வாடவ

தூயவொளி மாவையிற் சுடர்ஞான சோதிநின்

தோகைமயில் மீதுறும் வாகைவடி வேலநின்

எழுதரு மறைமொழி யிருநில வடியவ

இறையவ னருளினொ டிரைவியி னருளுமு

பழுதறு சரவண பவவெனு மொருநின

பழகிய நியதியி லமுதுறு மொருசுவை

எழுமையு நினதடி யலபிற வறிகில

இகமொடு பரமொரு பெருமையி னிலவுற

முழுமையு முனதரு ளெனவரு மருமணி

முருகலர் சரவண மிசைவரு மொருமணி

பரவரு மறுமுக நிரையுட னருள்பொழி

பலபல படைகளு நிலவிய வழகொளிர்

கரவறு மனசினி லொளியுற நிலவுக

கனவினு நனவினு நினைவினி லுறநிகழ்

இரவொடு பகலறு மநுபவ நிலையின

இளநல வெழில்தர வியல்தக ராலய

முரவரி யெனவரு ஹரிதிரு மருகவொர்

முருகலர் சரவண மிசைவரு மொருமணி