சிற்றில்பருவம்

திருத்தணிகைப் பெருமான் பிள்ளைத்தமிழ்

நா.ப. தணிகை அரசு

சிற்றில்பருவம்9 / 11

திருத்தணிகைப் பெருமான் பிள்ளைத்தமிழ் · நா.ப. தணிகை அரசு

✓

மன்பே ருலகில் மக்களென

வந்தோ ரெவரும் வனப்புநிறை

மன்னா வுன்றன் பேரருளை

மனத்தே யுணர்ந்து மகிழ்ந்திடுவர்

✓

துன்பே சிலரைத் தொடர்ந்திடினும்

தொல்லை வினையின் பயனெனவே

துய்யா வுன்றன் திருவடியைத்

துதித்தே துயரம் நீங்கிடுவர்

✓

வன்பே யறியார் உள்ளமதில்

வதிந்தே யவரை வாழ்விக்கும்

வள்ளா லுன்றன் திருவருளை

மறவா தென்றும் வணங்கிடுவோர்

✓

அன்பே தணிகைப் பதிமுருகா

அடியேம் சிற்றில் சிதையேலே

அழகா தமிழைப் பயில்கின்றோம்

அடியேம் சிற்றில் சிதையேலே.