செங்கீரைப்பருவம்

திருத்தணிகைப் பெருமான் பிள்ளைத்தமிழ்

நா.ப. தணிகை அரசு

செங்கீரைப்பருவம்3 / 11

திருத்தணிகைப் பெருமான் பிள்ளைத்தமிழ் · நா.ப. தணிகை அரசு

✓

கருத்ததனி லுனை யெண்ணாக் காலத்தே மூலமலக்

காரிருளில் அத்துவிதமாய்க்

கண்ணிலாக் குழவிபோற் கிடந்திட்ட உயிருக்குக்

கடைத்தேறும் வாய்ப்பளிக்கப்

✓

பொருத்தமுறு தனுகரண புவனநிறை போகமொடு

போக்குவர வுங் கொடுத்துப்

புவியிலுறு மின்பங்கள் நுகர்கின்ற போதத்துப்

புரிந்துனை யுணர வைத்து

✓

வருத்தமிகு நிலைமாறி வளமைநிறை திருவடியில்

மனமுருகி இனிது வாழ்ந்துன்

வாடாத பெருவாழ்வில் வைத்தருளும் வள்ளால்நின்

மலரடியை என்றும் மறவாத்

✓

திருத்தணிகை தொழுமடியர் திருவடையச் செய்தேவ

செங்கீரை யாடியருளே

செந்தமிழின் இன்பநுகர் செழும்புலவர் உளமுறைவ

செங்கீரை யாடியருளே.