முத்தப்பருவம்

திருத்தணிகைப் பெருமான் பிள்ளைத்தமிழ்

நா.ப. தணிகை அரசு

முத்தப்பருவம்6 / 11

திருத்தணிகைப் பெருமான் பிள்ளைத்தமிழ் · நா.ப. தணிகை அரசு

✓

கத்துந் தரங்கக் கருங்கடலில்

கருத்தோ டெடுக்கும் நன்முத்தும்

கலைகள் வல்லார் செயற்கையினால்

கனிவோ டாக்கும் வெண்முத்தும்

✓

பத்திக் கடலிற் படுவோரைக்

பாரிற் கலைகள் பயில்வோரைப்

பரமா னந்தம் அளித்திடு முன்

பசிய முத்துக் கீடாமோ?

✓

சித்த மகிழ்ந்தே சிறுகுழவி

சேர அமுதம் உண்டதன்பின்

சிறந்த அன்பால் அன்னைதரும்

செழுமுத் தமும்தான் நிகராமோ?

✓

முத்தி யளிக்கும் தணிகைமலை

முருகா முத்தந் தருகவே!

முத்தமிழ் நாளும் பயிலுமவர்

முதல்வா முத்தந் தருகவே.