விநாயக வணக்கம்

வைத்தீசுவரன்கோவில் முத்துக்குமாரசாமி பிள்ளைத்தமிழ்

குமரகுருபர அடிகள்

விநாயக வணக்கம்1 / 11

வைத்தீசுவரன்கோவில் முத்துக்குமாரசாமி பிள்ளைத்தமிழ் · குமரகுருபர அடிகள்

(ஆசிரிய விருத்தம்)✓

பொன்பூத்த குடுமிப் பொலங்குவட் டிமவான்

பொருப்பிற் பிறந்துதவளப்

பொழிநிலவு தவழுமுழு வெள்ளிவே தண்டத்தொர்

போர்க்களிற் றைப்புணர்ந்து

தென்பூத்த பாட்டளி துதைந்தபைங் கூந்தற்

செழும்பிடி பயந்தளித்த

சிறுகட் பெருஞ்செவிக் குஞ்சரக் கன்றினிரு

செஞ்சரண யஞ்சலிப்பாம்

மின்பூத்த சிற்றிடைப் பேரமர்க் கட்கடவுள்

வேழங் கடம்படுபடா

வெம்முலைக் கோடுகொண் டுழுதுழு துழக்கமுகை

விண்டுதண் தேன்றுளிக்கும்

கொன்பூத்த தெரியற் கடம்பணி தடம்புயக்

குரிசிலைப் பொருசிலைக்கைக்

குமரனைக் கந்தபுரி முருகனைப் பரவுமென்

கொழிதமிழ்க் கவிதழையவே.