வேலை சூழும் வியனுல கத்தில்
வேலை யிலையென வீணா யலைவோர்
வேலை வணங்கும் வேலை யறிகிலார்
ஞாலம் விளங்க நல்லருள் சுரக்கும்
வானத் துயர்ந்த வள்ளல் கையில்
ஞானத் துருவாய் நண்ணும் வேலை
ஒருமன மாயிருந் துறுதியாய்ப் போற்றின்
முத்தமிழ்ப் புலமை முறையுறத் தோன்றும்
நாற்கவி பாடும் நல்லிசை யுண்டாம்
ஐந்திலக் கணமும் அருளி அறுமுகன்
எழுபிறப் பினிலும் இடரொழித் திடுவன்
எட்டுணை யேனும் ஐய மின்றி
ஒன்பான் வாயில் உடம்பால்
என்றும் எய்துவர் இன்பத் தினையே.