முற்றும்நின் செயலென மொழிதரு மென்னை
எற்றும் தொழிலும் என்வாய்ச் சொற்கள்
காமுறு நலமும் கருதிநன் குணரின்
மாமுதல் தடிந்து மகபதி முதலோர்
தம்மைமுன் புரந்த தனிப்புகழ் மறந்து
வெம்மையார் காட்டில் வியனுருப் பொலிபேய்க்
கணத்தொடு நடித்துக் கராமக வுமிழப்
பணத்தகு புலவன் பகர்தரு முதற்பேர்
மெய்ப்படப் பெற்றேன் விதுவார் நாளில்
உய்ப்பது பெற்றான் உருற்றும் பூசை
கொண்டவள் அருளாற் கொடுத்த மகவென
விண்டயர் கின்றேன் வெறுத்தெனை விலக்கேல்
செந்தில் ஏரகம் திருமலை முதலாம்
முந்தியற் கோயில் முழுமையும் அழுக்கா(று)
எய்தத் தகும்பே ரியற்கையொன் றெய்திய
புண்ணியக் குமார புரியில்
திண்ணிய வேல்கொடு திகழ்கிழ வோனே.