வைப்பென வென்னுடை

திருப்பரங்கிரி மும்மணிக்கோவை

வே. இராமநாதன் செட்டியார்

வைப்பென வென்னுடை10 / 12

திருப்பரங்கிரி மும்மணிக்கோவை · வே. இராமநாதன் செட்டியார்

25நேரிசை யாசிரியப்பா✓

வைப்பென வென்னுடை யெய்ப்பினி லுதவப்

பரங்கிரி நின்றருள் பண்ணவ வுன்னை

முத்தமிழ் கொண்டு மெத்தவை தாலும்

வாழவைப் பாயெனச் சூழநின் னன்ப

னருண கிரிசொற் பொருணய முணர்ந்தே

நின்னை யியற்றமிழ் பன்னின

னெண்ணுவ தீந்தருள் புண்ணிய ரேறே.

26நேரிசை வெண்பா✓

ஏறானா னுந்தை யெழிலுருவிற் பாதிபெற்றான்

மாறாத பாணமா மன்னினான்—கூறாகித்

தேவியா னானந்தச் செல்வன் பரங்கிரியாய்

மேவுமுனக் கம்மானோ மேல்.

27கட்டளைக் கலித்துறை✓

மேலுயர் சென்னிப் பரங்கிரி யுற்ற விதமறிந்தே

னேலுந் தினைப்புன மங்குண்டு மால்வரை யின்சுவைத்தேன்

சாலவு முண்டு குறிஞ்சி நிலம்வளர் தையலரின்

பாலெனுஞ் சொல்லுண் டிவற்றின் சுவைபெறப் பற்றினிரே.