ஒப்பற்ற அற்புதக் கற்பனைச் சிற்பத்தின்
உயிரோ வியம் தீட்டியே,
உலகத்து மானுடவர் உய்யக் கொடுப்பதற்கு
உற்பவித் திட்ட மேதை;
செப்பரிய குணசீல னாம்காரல் மார்க்ஸ்அன்று
செங்கொடி உயர்த்தி வந்து,
செம்மைநல மேஒன்று சேர்த்திட, அமைந்தஒரு
சித்தாந்த சமதர்மமாய்
மெய்ப்பொடு நிமிர்ந்துவரும் அப்புத் தமைப்புழுமுன்
மெல்லடி தொடர்ந்து, மண்ணின்
மீதெலாம் சுற்றிச் சுழன்றுசிறு தேருருவில்
மின்னொளிப் பரப்புவதுபார்!
அப்ப!உனை அன்புடன் அழைக்கிறோம். அகிலாண்ட
அம்மையுடன் அமுத லிங்கத்து
அருளுருவ மாகிவரும் ஆறுமா முகவனே!
அச்சிறிய தேருருட்டே!