முருகன் App
கதிர்காமப் பிள்ளைத்தமிழ்
சிவங்கை கருணாலய பாண்டியப் புலவர்
முத்தப்பருவம்8 / 15
1காப்பு2காப்புப்பருவம்3செங்கீரைப்பருவம்4மொழிபயிலல்5உணவூட்டல்6தாலப்பருவம்7சப்பாணிப்பருவம்8முத்தப்பருவம்9வருகைப்பருவம்10நிலாவழைத்தல்11சிறுபறை முழக்கல்12சிற்றில் சிதைத்தல்13சிறுதேருருட்டல்14பூணணிதல்15உடைவாள் செறித்தல்
கதிர்காமப் பிள்ளைத்தமிழ் · சிவங்கை கருணாலய பாண்டியப் புலவர்

முத்தப்பருவம்

19அறுசீர்க்கழி நெடிலடி மிரட்டை யாசிரிய விருத்தம்✓
முன்னையொரு பொழுதுதமி ழகமுடைய தாய்ப்பின்பு
முனையாரி யர்க்குறையுளாய்
முனிவர்வேட் கும்வெண்ப னித்திரட் குவையநெடு
மொழிவான ளாவுவெற்பி
னன்னையன் பென்னக்கு ளிர்ச்சிபெரு குந்நாண
லஞ்சுனைப் பொய்கைபூப்ப
வாரன்மீன் றிதலைநகி லடையவுஞெ முங்குறவ
ணைப்பச்சொ ரிந்தமுத்தம்
பின்னையிம யக்கரும் பூங்கோதை யள்ளிப்பி
றங்கன்முலை யூற்றெடுப்பப்
பெற்றானொ டுச்சிமோந் திதழ்வாய் நெரித்துணப்
பெய்தவெழு கோடிமுத்தம்
இன்னயவ காமமணி யாற்றங்கரைக்கொழித்
தின்றுமுத் தந்தருகவே
எம்பொருளு டம்பாவி யாவும்விற் பேம்வணிக!
விந்தமுத் தந்தருகவே.
20வேறு✓
ஐயா றாறிரு ளாவியரு
ளப்பா லெய்ப்பின் வைப்பேயோ!
வவ்விய மில்லாப் புலவர்குழீஇ
யழகிது சாவுங் கெழுதகையோ?
செய்யா வியற்கைப் பொருளாக்கந்
தேர்ந்த வுணர்வின் றெளிவேயோ?
தேனெய் கரும்பு பழமமிழ்தந்
தீம்பால் குழைத்த திரள்பதமோ?
கையாக் குடிமை யளிதூய்மை
கல்வி கற்பென் றிவையுடையாள்
கணவன் வாழ்வோ? வெல்புகழோ?
கடவுட் செந்தமிழ் முப்பாலோ?
வையா! முருகா! நின்முத்த
மன்பே! முத்தந் தருகவே
யருமைக் கதிர மலைவாழ்வே
யம்மே! முத்தந் தருகவே.
21வேறு✓
வேய்முத்த மும்மஞ்சின் மின்முத்த மும்மிப்பி
விண்முத்த முங்கொம்பியல்
விழைமுத்த மும்மாதர் கழைமுத்த மும்மீனின்
விளைமுத்த மும்மேனவுந்
தேய்முத்த மெய்யறிஞர் தேடாத முத்தமுண்
டஞ்சுவையி லாமுத்தமேர்
திரியமா றும்முத்த முத்தமோ! கதிர்மலைத்
திருநீறு பூத்த செந்தீத்
தாய்முத்த மீன்முத்த மே! குறுவெ யர்ப்புள்ளி
சொரிமுத்த நெற்றி யினர்கண்
டொளிமுத்த முக்கமதி முகமுத்த முத்திநகு
தொகைமுத்த முண்டு கனியும்
வாய்முத்த மேமுத்த முலகெலாம் போதாத
வாழ்முத்த முண்ணவருளே
வானுமுயி ருங்கைத்து வேண்டேம்வெ றுத்தயாம்
வாழ்முத்த முண்ணவருளே.
முந்தையசப்பாணிப்பருவம்அடுத்தவருகைப்பருவம்