சென்னிமலைமேல் செவ்வேளைத் தரிசித்தல்

சென்னிமலை முருகன் புலவர் ஆற்றுப்படை

வே.ரா. தெய்வசிகாமணி வித்துவான்

சென்னிமலைமேல் செவ்வேளைத் தரிசித்தல்13 / 16

சென்னிமலை முருகன் புலவர் ஆற்றுப்படை · வே.ரா. தெய்வசிகாமணி வித்துவான்

✓

வானுற வளர்ந்த வளமிகுஞ் சிகரச்

சென்னிமா மலையிற் செல்குவை செல்லின்

✓

அம்மலை வழிமுத லமைவுடன் விளங்கும்

மலைவழி யேழு மாமுகற் போற்றி

மலைகா வடிகொள் மலைகா வலனாம்

மலையடி வார மண்டபத் தமரு

மிடும்பக் குமர னிணையடி பணிந்து

✓

வழித்துணை யாகென மலைமிசை யேறி

செழிப்புறு முச்சி சேர்ந்தினி தருளும்

அந்தி வணம்போ லழகொளிர் மேனிச்

சந்தி விநாயகன் றாண்மலர் தொழுது

அண்டர் மாதவரு மருமறைக் குழாமு

✓

மெண்டிசை யோரு மின்புறப் போற்ற

நந்தா வளமருள் நறுமணம் பொலியுஞ்

செந்தா மரைமலர்த் திருவடித் துணையும்

இடைப்பட் டிகையு மிலங்குகோ வணமுந்

தொடைமலர் மாலை துலங்குநூன் மார்பும்

✓

வேத்திரத் தண்டம் விளங்கு கைத்தலமுஞ்

சாத்துடை யிடையிற் சார்ந்த கைத்தலமும்

ஒளிவளர் குழைதா முறுசெவித் துணையு

மளியுற நோக்கு மலர்விழித் துணையும்

பூத்தபுன் சிரிப்புப் பொலிதனி முகமும்

✓

பின்றாழ் சடையும் பிறங்கநின் றுலக

நன்றா மாறெந் நாளும் புரக்கு

மரன்றிரு மதலையை யயில்வேற் கரனைக்

சிரங்கை குவித்துத் திருவடி தாழ்ந்து