புலவர் வறுமை

சென்னிமலை முருகன் புலவர் ஆற்றுப்படை

வே.ரா. தெய்வசிகாமணி வித்துவான்

புலவர் வறுமை3 / 16

சென்னிமலை முருகன் புலவர் ஆற்றுப்படை · வே.ரா. தெய்வசிகாமணி வித்துவான்

✓

மான முதலா மருவிய பத்தும்

பறந்திடச் செய்யும் பசிப்பிணி யதனால்

ஒட்டிய வயிற்றொ டுறுவிலா வென்பு

✓

இருமருங் கினிலு மெழுந்துநிற் றலினால்

வங்கினைப் பற்றும் வல்லுடும் பதனை

யுரித்துவிட் டாற்போ லுடம்பினை யாயினை

கந்தை யுடையுங் கைதனிற் கிழிந்த

புத்தகக் காட்சியும் பொலிதர வந்தனை.

✓

முத்தமிழ் சொரிதலின் மும்மத யானை

போன்ற புலவ! பூனைபோ லாயினை

வெயில்படக் கிடந்த மென்மல ரதுபோல்

வாடினை மேனி வருந்தினை யந்தோ!

புலவர்தம் வறுமை பொல்லா தன்றோ?

✓

காற்று மழையுங் கடுங்கதிர் வெயிலும்

ஒன்றுபி னொன்றா யுறுதுயர் செய்யும்

ஓட்டை மிகுந்த வோலையில் லத்தில்

வறுமைப் பேய்கொள வருத்தமுற் றயர்ந்து

தலைக்கிடு மெண்ணெய் தான்கா ணாமல்

✓

மஞ்சள் பூசாது மதிமுக நுதலிற்

றிலக மிடாமல் திகழுற முன்பு

கட்டுநூற் கழுத்துங் கந்தைசூழ் இடையும்

உணவு காணாம லொட்டிய வயிறும்

துயர்கூர் முகமுந் தோன்றுறு மனைவியும்

✓

“அம்மா! பசிகா தடைக்குதென் செய்கேம்

உப்புநீர்க் கஞ்சி யொருவாய் தாராய்”

என்றழு தேங்கு மிளமைகூர் சிறாரும்;

உறுதுயர் கண்டே யுளமிகக் கலங்கிச்

செய்வ தொன்றுந் தேர்ந்தறி யாமல்

✓

அவர்வயிற் றுணவும் அரைதனி லுடையும்

முகத்திற் பொலிவும் முன்னுறப் பெற்று

வாழ்வுறக் காண மனத்தினி லெண்ணி

அன்னவர் தம்மை யரிதினிற் பிரிந்து

காடை காகங் கட்டிடக் கண்டும்