முருகன் App
சென்னிமலை முருகன் புலவர் ஆற்றுப்படை
வே.ரா. தெய்வசிகாமணி வித்துவான்
பாலை நிலம்12 / 16
1காப்பு2புலமைத் திறம்3புலவர் வறுமை4பரிசில் வேண்டிச் செல்வரை நாடியது கூறல்5நல்லோர் வறுமையும் நலந்தரும் என்னல்6சென்னி மலையின் சிறப்புறு மகிமை7அருளாடியர் மடத்துத் தலைவர் புலவருக்குப் பரிசில் நல்கியது கூறல்8பூந்துறை நாடு9குறிஞ்சி நிலம்10முல்லை நிலம்11மருத நிலம்12பாலை நிலம்13சென்னிமலைமேல் செவ்வேளைத் தரிசித்தல்14முருகன் புகழ் பாடுதல்15செவ்வேள் பரிசில் நல்குதல்16சென்னிநகரச் சிறப்பு
சென்னிமலை முருகன் புலவர் ஆற்றுப்படை · வே.ரா. தெய்வசிகாமணி வித்துவான்

பாலை நிலம்

✓
தவளப் பிறையொளிர் சடைமுடி யுடையாள்
பச்சை நிறத்தி பவள வாய்ச்சி
முத்தின் மூரல் முகமதி யுடையாள்
கயனிகர் கண்ணி கச்சார் தனத்தி
✓
எண்டோட் செல்வி இமையவர் நாடி
அகநிறை கருணை முகமுறு சீற்றம்
பொற்புற விளங்கு மற்புதம் கன்னி
மாமறைக் கூட்டில் வளர்ந்திடுங் கிள்ளை
மகிடற் காய்ந்து வானவர்ப் புரந்தாள்
✓
தண்டு வில்வாள் சக்கரம் சங்கம்
கொண்டு விளங்குங் கொற்றவை செல்வி
பூதவே தாளப் பொருபடை யுடையாள்
கான நாடி கருதுறு மடியர்
அஞ்சிடா வண்ண மருள்புரி சண்டிகை
✓
தென்றல் வாடை திகழிரு புறத்துஞ்
சாமரம் வீசத் தரளமா லிகைசூழ்
திங்கட் குடைக்கீழ்த் திகழ்தர வமர்வாள்
கற்சிறைக் கோட்டங் கடுகினர் சென்று
வழிப்பறி துறை வருபொருள் கொற்றம்
✓
செழிப்புற வருள்வாய் தேவியே! யென்று
புலிநிகர் மறவர் புலிப்பற் றாலி
மலியணி மறத்தியர் மறப்பலி தந்து
நிலமுற வணங்கி நின்றுறு காட்சியும்
வாகையுங் கோங்கு மணமலர் சொரிதலுங்
✓
கற்பர லுண்ட கவின்மணிப் புறாவின்
சேவலும் பேடுஞ் சென்றினி தமர்ந்து
கள்ளிபஞ் சிலையிற் களிப்புறக் கூவலுந்
திலதநீ ரிலலாச் சேற்றுநீர்க் கூவலும்
செங்கதிர் வெய்யோன் றெறலினாற் கரிந்த
✓
கள்ளியும் பாலையும் காரகில் மரமும்
பசித்தி வருத்தப் பருந்துங் கழுகும்
ஆனையு மானு மடர்செந் நாயு
மாவிபோ காம லலைதரு காட்சியுந்
தாங்கொணாப் பசித்தீத் தழற்படுங் காலை
✓
உயர்ந்தோர் தாமு முயர்வினை விடுத்து
இழிந்தோர் நல்கு மிழியுண வுணல்போல்
திரிதர வந்த செந்நாய் வாயின்
வாங்கிய நாவின் வடிதுளி நீரைத்
தேவாங்கு நக்குஞ் சிறுபுன் காட்சியும்
✓
கூர்த்தலைப் பரலுங் குவிமலை முரம்பும்
கார்ப்பரு வத்துங் கனலுரு வெப்பமும்
மன்னிய பாலை வன்பெருந் திணையும்
சூழக் கிடந்ததுஞ் சுடரொளி வெள்ளி
மலைவாய்த் தெய்வ மணிநிழற் காஞ்சி
✓
மரவேர்த் தோன்றி மலரொடு சாந்தும்
வாரி வீசி வருதிரைக் கரத்தால்
போற்றி வணங்கிப் பொலிவுட னிருபாற்
சிவதலம் பலவுஞ் செழிப்புற்ச் செய்து
கள்ளவிழ் சோலை கடிதினிற் புகுந்து
✓
அமர முனிவன் அகத்தியன் கொணர்ந்த
காவிரி கலக்குங் காஞ்சிமா நதியின்
அணிகெழு வடபா லமைந்தது மான
முந்தையமருத நிலம்அடுத்தசென்னிமலைமேல் செவ்வேளைத் தரிசித்தல்