முருகன் App
சென்னிமலை முருகன் புலவர் ஆற்றுப்படை
வே.ரா. தெய்வசிகாமணி வித்துவான்
நல்லோர் வறுமையும் நலந்தரும் என்னல்5 / 16
1காப்பு2புலமைத் திறம்3புலவர் வறுமை4பரிசில் வேண்டிச் செல்வரை நாடியது கூறல்5நல்லோர் வறுமையும் நலந்தரும் என்னல்6சென்னி மலையின் சிறப்புறு மகிமை7அருளாடியர் மடத்துத் தலைவர் புலவருக்குப் பரிசில் நல்கியது கூறல்8பூந்துறை நாடு9குறிஞ்சி நிலம்10முல்லை நிலம்11மருத நிலம்12பாலை நிலம்13சென்னிமலைமேல் செவ்வேளைத் தரிசித்தல்14முருகன் புகழ் பாடுதல்15செவ்வேள் பரிசில் நல்குதல்16சென்னிநகரச் சிறப்பு
சென்னிமலை முருகன் புலவர் ஆற்றுப்படை · வே.ரா. தெய்வசிகாமணி வித்துவான்

நல்லோர் வறுமையும் நலந்தரும் என்னல்

✓
பொதிய மலையிற் புண்ணிய முனிவன்
அகத்தியன் வளர்த்த வருந்தமி ழிந்த
மண்டிணி யுலகில் வளமிகத் தந்து
ஓங்குவாழ் வளிக்கு முளங்கவ லாதே.
புலக்குடிப் பிறந்து புகழ்பெறு முன்னோர்.
✓
வறுமையின் மெலிந்து வாட்டமுற் றவரே
தூக்கமு மின்றிச் சுட்டிடுங் கொடிய
போக்கறும் வறுமைப் புலவர்க ளுலகில்
நிலைதளர்ந் தேகி நீணிதி மிகுந்த
ஈயாச் செல்வ ரிடந்தொறு மிரந்து
✓
ஓயாத் துயர முற்றது கண்டே
இரந்துயிர் வாழ வியற்றிய தலைவன்
பரந்து கெடுகெனப் பழமறைக் குறளில்
தெய்வப் புலவன் சீறின னன்றியும்
நல்லோர் வறுமை நலிவுறக் கண்டும்
✓
அல்லோர் பக்க மணுகினை யாகலின்
புறவித ழேபோற் பூவுறு மகளே
நிலத்து நீறாய் நீவிளி கென்று
செல்வத் திருமேற் சீற்றமீக் கொண்டு
நாலடி நன்னூல் நவின்றது மன்றோ?
✓
செல்வமும் வறுமையுஞ் சேர்தற் கேதுவை
எல்லா வகையிலு மெண்ணிய முன்னோர்
முன்செய் வினையென முடிவு கண்டனரே
செய்தீ வினையாற் சேர்வுறும் வறுமை
தீர வேண்டிற் றெய்வதம் பராவுந்
✓
திருவருள் நெறியிற் சென்றிட வேண்டும்
என்று தெளிந்திங் கிசைத்தன ரன்றியும்
அந்நெறி சென்றே யரும்பயன் கொண்டார்
ஆதலி னீயும் அந்நெறிச் சென்று
ஓதநீ ருலகி லுயர்பயன் கொள்வாய்.
✓
வறுமை யுலகில் மலிதுயர் செயினும்
இரவு பகலி னினிமைகாட் டுதல்போல்
வறுமை செல்வ மகத்துவ முணர்த்தும்
வறுமை யிறைவனை மறவா தென்றும்
உறுதி நினைவை யுற்றிடச் செய்யும்
✓
ஆகலின் வறுமை யகலா தென்றும்
வேண்டு மென்று விரும்பின ருளரே
அன்னவர் வேண்டு மதனை யணியில்
வேண்ட லணியென விதித்தனர் புலவர்
வறியோர் சிலர்மிடி வருதுயர் நலிந்தும்
✓
நெறியி னின்றும் நீங்கல ராகிச்
செல்வர்க் கரிய செழும்புகழ் கொண்டார்
வறுமையும் வாழ்வும் மன்னுவ தின்றிச்
சென்றுபற் றுறுவோர் சிந்தையி னளவாய்த்
துயரு மகிழ்வுந் தோன்றுறச் செய்து
✓
நில்லா தேகு நீர்மைய வாதலின்
அறிஞ ரவற்றை யணுவு மெண்ணாமற்
செந்நெறி யதனிற் றிறமுறச் சென்று
கருதிய முடித்துக் கனமிகப் பெறுவர்
திருவருட் புலமைச் செல்வர்க ளென்னும்
✓
அருண கிரியு மபிராமி பட்டரும்
வறுமையாம் பாவி வலிந்து வருத்தத்
தெய்வ நெறியே சென்னெ றியாக
வறுமை கடந்து வாழ்ந்தன ரன்றோ?
நெருப்பிற் சுடச்சுட நீளொளி கொள்ளும்
✓
அரும்பொ னென்ன வடர்தரு மிடிநோய்
வருத்த வருத்த மலர்தரு ஞானம்
திருந்துற முதிர்ந்த சீலரு முளரே
பாவியர் வறுமை பற்றுவர் பற்றின்
தீநெறிச் சென்று தீமையி லழிவர்
✓
புண்ணியர் வறுமை பொருந்தார் பொருந்தின்
நன்னெறிச் சென்று நலமிகப் பெறுவர்
வறுமையில் வாழ்ந்தும் மாண்புறு நெறியிற்
சென்றிவ் வுலகிற் சிறந்தனர் பலரே
உறுதுயர் வறுமை யுன்றனைத் துரத்திப்
✓
பெரும்பயன் பலவும் பெற்றிடச் செய்யும்
சமய மிதுநீ தகுபயன் கொள்வாய்
முன்செய்தீ வினையின் முழுத்துயர் நீங்கப்
பின்செய்மா தவத்தின் பெரும்பய னனைத்தும்
உறுநற் கால முனக்கின் றாகலின்.
இற்றைநா ளென்ற னெதிருற வந்தாய்.
முந்தையபரிசில் வேண்டிச் செல்வரை நாடியது கூறல்அடுத்தசென்னி மலையின் சிறப்புறு மகிமை