கொழுநனெனும் வேங்கைமலர்ப் பொன்சொரிந்து விரும்பப்

பாந்தவர்கள் போல்வண்டு தூதுசொல்லித் திரிய

முறைமுறையே வாத்தியம்போன் மும்மதமா முழங்கத்

செங்குவளைத் திருமலைதா னெங்கண்மலை யம்மே.

சாதிகிளை மீதுகிளி வேதமுறை பேசும்

வானுலகின் பூவெடுத்துக் கானவர்கள் சூடும்

ஆற்றொலிதென் காற்றொலிவான் மேற்றிசையைப் பிளக்கும்

செங்குவளைத் திருமலைதா னெங்கண்மலை யம்மே.

பொங்குமத தும்பியும்பர் மங்குறனைப் பிடிக்கும்

காத்திருந்து வேன்முருகர் பார்த்தருளு நாட்டம்

மண்ணவரும் விண்ணவரு நண்ணிமிகத் துதிக்கும்

செங்குவளைத் திருமலைதா னெங்கண்மலை யம்மே.

வானுலகுக் கேறிவரு மேணியெனச் சேர்க்கும்

தண்ணிலவின் மறுத்துடைக்குந் தகைமையெனக் கிளர்ந்து

மேன்மையென வோங்கியெழில் வாய்ந்தகழை யாடும்

செங்குவளைத் திருமலைதா னெங்கண்மலை யம்மே.

அதனுடவில் வேடர்பொன்போற் செந்தினையை விதைப்பார்

கார்முகிலை வேழமெனக் கோளரிமேற் பாயும்

தருகுறவர் வில்லொலியுஞ் சில்லொலியுங் கிளக்கும்

செங்குவளைத் திருமலைதா னெங்கண்மலை யம்மே.

குறவர்சிறு மகளிர்நவ மணிகளதிற் பூண

ஆவலுடன் மயினடிக்கப் பூவைகவி படிக்க

வேட்டமண வாளனென மென்றளிர்க்கை யேந்தித்

செங்குவளைத் திருமலைதா னெங்கண்மலை யம்மே.

கயிலைமலை தந்தன்பேர் பயிலுமலை யம்மே

சதுமறைகண் முறையிடுஞ்சொல் நிறையுமலை யம்மே

பணைமணிக ணிலவெனவே யுலவுமொரு பாலில்

செங்குவளைத் திருமலைதா னெங்கண்மலை யம்மே.

முத்திருக்கும் பெற்றிருப்பார் முத்திருக்குங் கிளையார்

வண்டொலிக்குந் தண்டலைக்குள் வண்டொலிக்குந் தடத்தில்

காத்திருப்பர் நீலமலர் பூத்திருக்கு மம்மே

பழங்கயிலைக் கிணையெங்கள் செழுங்குவளை மலையே.