கனத்திற் சிறந்த குழற்காம வல்லிதண் காவின்மிசை

இனத்தைப் பிரிந்திடு மான்போன் மயங்கிய வேல்வைதன்னில்

அனத்திற் சிறந்த நடைகாட்டி மாமயி லாமெனவே

வனத்திற் சிறந்த குறத்திமின் னாளங்கண் வந்தனளே.

தண்கதிர் விரித்த வெண்கயி லாய

வெற்பினி லுதித்த பொற்புறு நீலம்

முகிழ்தரு காவி திகழ்திரு மலையான்

மாமணித் திரளும் வன்புலிப் பறழும்

தேமலர்த் தளிருந் தெண்டிரைக் கரத்தால்

வானிரு நிதிபோல் மகிழ்ந்திட வுதவி

நானிலம் புரக்கு நன்னதி யாளன்

பொன்னிறத் திரவும் பூந்துணர்ந் தருவும்

மன்னிநின் றோங்கு வடவாரிய நாட்டான்

ஆடல்வண் டொலிக்கு மண்டர்க டுதிக்கும்

பாடல்வண் டிசைக்கும் பண்பைமா நகரான்

சூர்கிளை நெஞ்சந் துணுக்குற வானோர்

சீர்பெறத் தோன்றுஞ் சிகண்டிவெம் பரியான்

வெண்மதி மருப்பு விளங்கிட முகில்போற்

தண்மத மழைநீர்த் தாரைகள் பெய்யும்

வரையென வோங்கி வளர்ந்தவா ரணத்தான்

விரைதரு கடப்ப மென்மலர் மாலையான்

வான்வரை யுயர்த்த வாரணக் கொடியான்

மேன்மைமும் முரசும் விளங்கிய வாசலான்

அண்டம்யா வையினு மாருயிர் தோறும்

கொண்டிரு நிழல்போற் குலவிய வாணையான்

அன்பர்தம் முள்ளத் தின்புறு பெருமான்

அடியனைக் காக்கும் வடிவுயிற் குமரன்

வண்புகழ் பாடி வெண்பொடி பூசி

வெஞ்சர விழிமீ தஞ்சனந் தீட்டிக்

குன்றென வளர்ந்த கொங்கையின் மீதில்

ஒன்றிய பாசியுங் குன்றியும் புனைந்து

பட்டுடை மருங்கி லொட்டிய கூடையும்

மாத்திரைக் குறிதெரி வேத்திரக் கோலும்

வேல்விழி நயப்பும் பான்மொழி வியப்பும்

மேனகை யுருவசி மான்விழி யரம்பை

துதிசெயத் திடமா யதிசயத் துடனே

மால்கொளு மடவார் மனத்துய ரடங்க

மேலணி யுடுக்கும் விளங்கிடத் தொனித்தே

உலகெலாந் துதிக்குந் திலகமா யிலகி

மாதர்க ணினைத்த மனக்குறி மூன்று

போதினும் வருங்குறி போங்குறி மெய்க்குறி

வேந்தர்கள் கைக்குறி விரும்பினோர் மொழிக்குறி

பாந்தமாய் வகையாய்ப் பகர்ந்திடுங் குறியே

திறத்துடன் சொல்லுங் குறத்திவந் தனளே.

குறத்தி வந்தனளே-திருமலைக்

குறத்தி வந்தனளே (குறத்தி)

மறத்தி யின்சொலை யுறுத்தி மஞ்சுறு

நிறத்தி வஞ்சியர் திறத்தை மிஞ்சிய (குறத்தி)

அல்லை நேர்குழல் கெண்டை போல்விழி

முல்லை வாணகை தொண்டை வாயிதழ்

வில்லை நேர்நுதல் கண்டு போன்மொழி

செல்வி போலெழில் கொண்டு மேவிய (குறத்தி)

தங்க மலைநிகர் கொங்கை யணிபணி

செங்க ணடுகுழை திங்க ளொளிநிகர்

அங்க மிலகிய சிங்க நிகரிடை

தொங்க லணிகுழன் மங்குல் செறிதரு

சித்தர்பணிந் தேத்தவருஞ் செவ்வேள் குவளைவெற்பிற்

கொத்தலருங் கூந்தற் குறத்திமதி யானனத்தில்

முத்தை நிகர்த்த முகிழ்ப்பவள வாயிசைதான்

புத்தமுதோ தேனோ புகலவரி தென்றாரே.

குறிசொல்ல வந்தாளே-குறத்தி

குறிசொல்ல வந்தாளே (குறி)

உறுகாம வல்லி பெறுகாம நோயால்

கிஞ்சுக மலர்வா யஞ்சுக மொழியாள்

வருவிட விழியா ளிருகுட முலையாள்