முருகன் App
மயிலம் சுப்பிரமணியர் துதியமுது
கனக. சுப்புரத்தினம் (பாரதிதாசன்)
வாழி தலைவி வண்டினைத் தூதுபோக்கல்13 / 17
1காப்பு2அவையடக்கம்3நாட்டுச் சிறப்பு4நகரச் சிறப்பு5மயில மலைச் சிறப்பு6நூல்7தலைவி தூதுபோக்கல்8மனதுக் கினிதுரைத்தல்9தலைவி பாங்கியிடம் கூறல்10பாரத நாட்டின் விடுதலை வேண்டல்11நெஞ்சுக் குறுதி கூறல்12நெஞ்சுக்கு நீதி கூறல்13வாழி தலைவி வண்டினைத் தூதுபோக்கல்14நெஞ்சுக்குத் தெளிவு கூறல்15வேல்16மயில்17வாழி
மயிலம் சுப்பிரமணியர் துதியமுது · கனக. சுப்புரத்தினம் (பாரதிதாசன்)

வாழி தலைவி வண்டினைத் தூதுபோக்கல்

ஐயா கணபதி யுன்றன் அடிமலர் துதிசெய்தேனே என்ற மெட்டு இராகம்: உசேனி தாளம்: ஆதி
பல்லவி✓
மயிலேறி வரச் செய்குவாய் எழில்
மதுகரமே குமரனை நீ (மயி)
அநுபல்லவி✓
வெயிலில் வாடும் புழுவாய் மிகவும் துடிக்கிறேனே
விரைவில் முருகன் வரா விடிலோ பிழைக்கிலேனே(மயி)
சரணம்✓
தொல்லை யடைகின்றதைச் சொல்லிக் குமரன்மனக் கல்லைக்
கரைத்துனது நல்லிசையின் வல்லமையினால்
பல்லக்கில் ஏறிவரிற் பலநாழிகை கழியும்
வில்லிற் றொடுசரம்போல் விரைந்து பறந்துவரும் (மயி)
✓
வள்ளி தந்திரமற்ற கள்ளி வனத்திலன்று புள்ளி
மயில் வாகனன் நள்ளிருளில் உள்ள மயங்கித்
துள்ளி வரமருந்தே உள்ளிச்செய் தாளதுபோல்
எள்ளத் தனையிருந்தால் சள்ளைக்கு வழியுண்டோ (மயி)
✓
சாரும் குகனைச்சென்ற வாரம் தழுவி வெகு தூரம்
சொல்லியுமந்த நேரமே யதனை மறந்தான்
ஆரம்ப நாள்முதல்ஆ மாரன் செயலிதுவே
அடுத்திரண்டு மூன்றுநாள் அகத்தினிற் றங்குகிலான் (மயி)
✓
நாட்டி லிருந்திடுசீ மாட்டிகள் என்றனைப்போல்
வீட்டி னதிபதியைக் கோட்டுமலை மங்கையரிடம்
கூட்டி யனுப்பி விட்டுக் கூகூவென் றழுவாரோ
கேட்டிலிருந் தென்றனை மீட்டிட விரைந்துபோய் (மயி)
20✓
ஏதுகுகன் நினைத்தபோது வருவதெனல் தீது
நொடிக்கு நொடிமாது கந்தன் மீது மயலாய்த்
தாது கலங்குவதால் தாஸன் சுப்பு ரத்தினம்
ஓதும் பண்பாடியகமீதே நிலைத்திருக்க (மயி)
✓
இராகம்: சஹானா தாளம்: ஆதி
பொன்னடியைத் தந்தருளப்பா இப்போ தொப்பாய் நான்
உன்னடிமை யல்லவோ செப்பாய் செப்பாய் செப்பாய்
சின்ன மங்கையர்செய் மனப்பே திப்பால் இப்பால் நான்
செய்வ தறியேன் மனக்கொ திப்பால் அப்பால் எனாதுனது (பொ)
✓
பூதலத்தை எண்ண இதயம் பயம் செயும் இதிற்
புலை நடை கொள்விலை நயம் நயம் நயம்
ஆதலினின் சீதவிழியும் புயம் பெயும் நல்
அருள்தர வேண்டுமிச்ச மயம் உயும் வயந்தெரிந்து (பொ)
✓
ஏறுமயில் கார்கடல் என்னும் வன்னம் துன்னும் அதில்
இலங்குகண் மீனென மின்னும் மின்னும் மின்னும்
ஆறுகதிர் போல்முகம் மன்னும் என்னெஞ் சின்னும் அதில்
ஆவல்கெடச் சேவைசெய உன்னும் பின்னும் உன் அன்பனுக்குப் (பொ)
21✓
சுந்தரி பராபரி மைந்தா எந்தாய் கந்தா அர
விந்தனை ஜயித்தவா வந்தாள் வந்தாள் வந்தாள்
தந்தைக்கு மந்திர முவந்தே தந்தோய் அந்தோ இங்குத்
தாஸன் சுப்பு ரத்தினம் நலிந்தேன் சிந்தா குலந்தவிர்க்கப் (பொ)
22✓
பாலாபிஷேகம் பழநிமலையப்பன் என்ற மெட்டு இராகம்: இந்துஸ்தான் பியாக் தாளம்: சாப்பு
மாசி மகோத்ஸவ மாமிந்த நாள் எங்கள்
மயிலாசன னேவந்தனன்
பாசாதி பந்தம் கடந்தோம் கனிந்தோமவ்
வீசன் தரிசனம் பெற்ற தினால்
பராபரன் மயூரந் பார்வதி குமாரன்
தரா தலா தாரன் ஜெயவீரன் உதாரன்
பரிந்த குஞ்சரிவள்ளிக் கதிப ஒய்யாரன்
பகையசு ரரை வெல்லும் சூரரதிகாரன்
பாலன் வடிவேலன் ஞாலம்புகழ் மேலோன்
பகரும் சதுர்மறை யுறையுநன் மூலன் (மாசி)
மயில்வாகனன் கருணைப்ரவாகவி லோசனன்
மகாசீலன் அனுகூலன் ஸாஜ்வல்யன் மிகுகோலன்
மதியணிந் தவன்மகன் அதிக வைபோகன்
அதிகுண நிதிபதி கதிதரும் ஏகன்
அத்தன்பரி சுத்தன்மிகு வித்தைப்ரசித்தன்
நித்தம் புகழ் சுப்பு ரத்தின மிஷ்டன் (மாசி)
✓
நன்னபியா ராமா என்ற மெட்டு இராகம்: தேசிக தோடி தாளம்: ஏகம்
கந்தப்பா வந்திப்போ தர
விந்தபா தங்கள் நீ தர
எந்தப்போ தாகுமென் றே
ஏங்கிமனம் வாடுகின் றேன்
சந்தப்பண் ஓதி நின் றேன்
சாருமயூர கெம்பீர உதார குண (கந்த)
✓
உலகம் கனவெனில் அதிலும்
கலகம் மலையெனப் பயிலும்
தொலையா விசார முற்றேன்
தூயநிலைக் காசை வைத்தேன்
தலைமேல் கரங்குவித்தேன்
சரவணபவ குகநினதுச முகமிக உரைத்தேன் (கந்த)
✓
மனமே குரங்கெனத் திரியும்
தினமே பவத்தொழில் புரியும்
தனமாதைச் சேர்க்க எண்ணும்
தாய்க்கிழவி வீட்டின் கண்ணும்
இனிமேற் புகாத வண்ணம்
ஈகநற் போதம் உற்சாகம் ஐயா விரைவாய் (கந்த)
23✓
வள்ளிமேல் சிந்தைகொண் டன்பாய்ப்
புள்ளிமான் வந்ததோ என்பாய்
கள்ளத்தன மாக வஞ்சி
காதடைக்கு தென்று கெஞ்சி
அள்ளித் தருமாவைக் கொஞ்சி
அத்தனையிற் சுப்பு ரத்தின நற்கவி மட்டுக் கலந்துண்ணுவாய்
முந்தையநெஞ்சுக்கு நீதி கூறல்அடுத்தநெஞ்சுக்குத் தெளிவு கூறல்