மலர்தலை ஞாலத் தலகில வாழுற்

மறைபகர் வாய்மைத் திசைமுகம் நோவுற்

மகபதி வானத் தரசுவ ழாமல்

வழிபடு கீரற் கழிசிறை தீரப்

குலமட மான்மெய்ப் புதல்வியும் யானைக்

குழையுமென் வாய்மைத் தமிழுநன் நீபத்

குரைகழல் நாடித் தொழுநெறி சேர்கொத்

குவிமுகை வேலைக் கவிழிணர் மாவைத்

உலகுண ராமுத் தமிழுணர் நீதிக்

உலைமலி வாகைத் திருநெடு வேலிற்

உமைமுலை பீர்விட் டொழுகிய பாலுக்

உருகெழு கோலத் திருமுது சூரைக்

கலவம யூரத் துரகதம் ஏறிப்

ககனவ ளாகத் தளவிய கோழிக்

கலைமதி போலத் திருமுக நீள்கட்

கடலலை வாய்முத் தினவளை வீசிக்

புயமா றிரண்டுக்கும் பொன்னணி யாம்புள்ளி மான்மகட்கும்

கயமான் மகளுக்கும் கண்ணிணை யாங்கடுங் கூற்றுவந்தால்

நயமாய தொண்டர்க்கும் நற்றுணை யாம்செந்தி னன்னகர்மே

வியமான் மருகன் திருக்கரத் தேந்திய வேற்படையே.

படைக்கணார் மையல்நோய்ப் படுவ தல்லது

கடைக்கணான் பரகதி காணுமா றுண்டோ

உடைக்கணா திபன்றனக் கிளஞ்செந் தூர்த்தமிழ்த்

தொடைக்கணான் றுயர்புயத் தோகை பாகனே.

பாகந்தரு பனிவான்மதி

தாரகையொடு கார்முகிலிடைப்

பொருதெனவளை யுடனிலகிய

நவமணியுமிழ் கலிகெழுபுனல்

திரைபொருமொலி முரசுடனதிர்

பைந்தமிழ்வளர் செந்திலின்வரு-சேயோன்

திருந்தடி துணையெனச் சேர்பவர்

பொருந்துவர் யாரும் புகலரு நெறியே.

நெறிக்குஞ்சித் தலைமறலி நெருங்கியெதிர் வருங்காலம்

செறிக்குஞ்சித் திகள்தருநின் செந்திலுமென் புந்தியதே

பொறிக்குஞ்சித் திரத்தினுடுப் பொரியாகப் புகந்துகொத்திக்

கொறிக்குஞ்சித் திரச்சரணப் படைச்சேவற் கொடியோனே.