மிரட்டல் செல்லுமோ-தமியளெனை

விரட்டல் ஒல்லுமோ-மன்மதனே. (மிரட்)

உருட்டும் புரட்டுங்கொண்டு முரட்டுத் தனமாயெம்மை

விரட்டித் திரியும் பொல்லா வறட்டு மதனாஉன்றன் (மிரட்)

தஞ்சமெதுவு மின்றித் தனித்து வருந்துமென்போல்

வஞ்சிய ரிடஞ்சென்று வடிவந்தனை மறைத்துப்

பஞ்சமலர் தொடுத்துப் பதைத்திடவே வருத்தி

மிஞ்சு திறமிதென்று மகிழ்ந்தலையும் மதனா-(மிரட்)

குமரனென திறைவர் குறுக்குத் துறையரின்றிக்

குமுறி வருந்துமென்போற் கோழை வனிதையர்பால்

அமரது வேதொடுத்து அல்லற் படுத்துமுன்றன்

ஆண்மை தனையறிவேன் வீண்மதப் பயலேஉன்(மிரட்)

கஞ்ச மலர்ப்பிரமன் காண்பாயுனது முன்னோன்

கநத ரிடம்ப்பட்டதும் கண்டதிலையோ நீயும்

பஞ்ச மலர்க்கணையும் பட்டொடியுங் கரும்பும்

பிஞ்சு விடுந்தெரிவாய் பேய்ப்பயலே உனது(மிரட்)