சேலாருங் கண்ணாளே கேளாயம்மே

சிறிய குறத்தி என்றன் குறியின் திறத்தை நன்கு - (சேலா)

நாலாவி தக்குறியும் நலமுடனே புகன்று

நானடைந்த பரிசும் நவின்றிடுவேன் பரிந்து -(சேலா)

வங்கமு டன்கலிங்கம் வரண்டுள நடுதேயம்

வடுகர்நிறை தெலுங்கம் வளர்கலைசேர் பல்லவம்

துங்கவ ளச்சோழம் செந்தமிழ் சேர்பாண்டி

சிங்கள மும்சென்று சிறப்படைந்தது முண்டு(சேலா)

கேரளமும் குடகும் கன்னடமும் பம்பாயும்

கூர்ஜர மும்ராஜ புதனமும் பஞ்சாபும்

சீரணியும் தில்லி செழிப்படரும் உத்தரம்

சென்றுகுறி புகன்று செயமடைந்தது முண்டு(சேலா)

மலையரசன் செல்வி மடப்பிடி பார்வதி

மலையத்து வஜன்மகள் மடக்கொடி மீனாட்சி

அலைதுயி லரங்கனின் ஆசைகொள் இலக்குமி

அன்னவர் பாலடைந்த அதிக விருதுமுண்டு(சேலா)