குறத்தி நாட்டுவளங் கூறல்

குறுக்குத்துறைக் குறவஞ்சி

தி.சு. ஆறுமுகம்

குறத்தி நாட்டுவளங் கூறல்50 / 96

குறுக்குத்துறைக் குறவஞ்சி · தி.சு. ஆறுமுகம்

பன்னிரு சீராசிரியம்

1✓

நெல்லை நகரின் மருங்கெங்கும்

நீள்செய் தோறும் நிறைசாலி

நெடுக வேலி யெனவமைந்து

நெல்வே லியெனும் பெயர்விளக்கும்

நெல்லை நாதர்க் கந்தணர்தாம்

நேர்ந்தே யுலர விட்டிருந்த

நெல்லை நனையா தடைமழையில்

நிமலர் காத்த அருளாலே

நெல்லை யப்பர் அவரானார்

நெல்வே லியெனப் பதிவிளங்கி

நிலைத்த மூதூர் தனைச்சார்ந்த

நிகரில் நாடே என்நாடாம்

தொல்லை தவிர்த்தே வீடளிக்கும்

தூயர் குறுக்குத் துறைநாதர்

துலங்கும் நலஞ்சேர் தமிழ்நாடே

தோகை யெனது நாடம்மே.

2✓

வியனார் மடவார் இன்மொழியை

வெல்லு மென்றே தீங்கரும்பை

வெட்டிப் பலவாய்க் குழிதோண்டி

விரைந்தே புதைப்ப ராடவரும்

அயரா ததுவும் முளைத்தோங்கி

அரிவை மார்தம் புயம்வென்றும்

அரிய முத்தம் பலவீன்றும்

அவர்தம் மூரல் புறங்கண்டும்

குயமே கொண்டு வெட்டிடினும்

குனிந்து சிலையாய் மன்மதனின்

கொடுங்கை நின்றவ் வாண்பெண்ணைக்

குலையக் குலைய வதைபுரிந்து

செயமார்ந் தோங்குஞ் செய்யடரும்

திருவார் நெல்லைத் தமிழ்நாடாம்

சீரார் குறுக்குத் துறைசூழும்

திருநா டெங்கள் நாடம்மே.

3✓

கொடுத்துக் கொடுத்தே குறைந்தழிந்தார்

குணமார் நமது முன்னோர்கள்

கொடுப்ப தினியுங் கேடெனவே

கொடையைத் தவிர்க்க நினையாமல்

தொடுத்துக் கொடுத்தே புகழுடையும்

தூய குடியிற் பிறந்தார்போல்

தேனார் கனிதந் துதவியபின்

துண்டிக் கவிழும் மரம்பையின்கீழ்

அடுத்துக் கிளம்பி யணியணியாய்

அடர்கன் றுபல வளர்ந்தோங்கி

அவையுங் கனிதந் தளிபுரியும்

அறஞ்சேர் நெல்லைத் தமிழ்நாடாம்

எடுத்த வேலால் சூர்தொலைத்தே

இனிதாய்த் தேவர்க் கருள்வேலன்

இருக்குங் குறுக்குத் துறைநாடே

எங்கட் கினிய நாடம்மே.

முந்தையமோகினி கூற்று அடுத்தஇதுவுமது