சொல்லக்கே ளாயம்மே சொல்லக்கேளாய்-நம்

செந்தமிழார் நாட்டுவளம் சொல்லக் கேளாய்(சொல்)

நல்லவளஞ் சேர்குறுக்குத் துறைவேலவர் - அருள்

நயக்குந்தென் னாட்டுவளம் சொல்லக்கேளாய்(சொல்)

நல்லவிதம் வான்பொழிந்து நாடுசெழிக்கும் - இரு

நாலுவகை தானியங்கள் பீடுகொழிக்கும்

பள்ளமுறு நீர்நிலைநீர் ஏறிஒலிக்கும் - அங்குப்

பல்வகையாம் மீன்கள்பல மேவிக் கலிக்கும் -(சொல்)

கால்நடைகள் தாம்பலவா யெங்கும்நிறையும் - அவை

கண்டவிடம் பால்சொரிந்தங் கங்கேஉறையும்

சேல்விழியம் மாதருறு கற்பின் நிறையும் - சொல்லச்

சேடனுமே தான்மயங்கி ஆவிகுறையும் - (சொல்)

பால்மொழி யிளஞ்சிறுவர் ஆடித்திரியும் - மறுகு

பண்படருங் குதலைமொழி யாலே நிறையும்

கால்வழிகொள் நீரைத்தலையாலே கொடுக்கும் - தெங்கின்

காய்களுமே குலைகுலையாய்க் காய்த்துச் சொரியும்(சொல்)

மருதுபல மிக்குயர்ந்து வானைத்தடவும் - அதில்

வாழ்ந்துவருங் கிள்ளைகளும் நாதம்பொழியும்

பருவமுறு மெல்லிடையர் பாதம் புலம்பும் - அதைப்

பார்த்திருந்த காளையரின் நெஞ்சும் புலம்பும் - (சொல்)