பந்தாடும் மோகினியைப் பாரீர்-பாவனையுடன்(பந்தா)

தொந்தோம் தொந்தோமெனவே துள்ளிக் குதித்தெழும்பிப்

பந்தாடும் மென்கரத்தால் பாய்ந்து பாய்ந்து பிடித்துப்(பந்)

கும்பம் நிகர்தனங்கள் குழைந்து குழைந்து மாடக்

கோலவிழிகள் ரெண்டும் குழைகள் தம்மோடுகூட

வம்பார் மலர்க்குழலும் விரிந்து தோளில்புரள

வளமார் குறுக்குத்துறை மறுகில் தோழியர்சூழப்(பந்)

கண்டார் வசமிழக்கக் கண்கள் நிலைநிலைக்கக்

கருத்துமதே நினைக்கக் கால்கள் நடைமறக்கப்

பெண்பார் மனம் வியக்கப் பெரிதும் திறன் சிறக்கப்

பேரார் குறுக்குத்துறை சீரார் பெருந்தெருவில்(பந்தா)